Брытанская газэта «Гардыян» апублікавала сьпіс навуковых адкрыцьцяў, што могуць быць зьдзейсьнены цягам гэтага году. На першым месцы стаіць кланаваньне чалавека. Вечны рухавік, жаночы аргазм і часьцінкі Хігса застануцца таямніцамі.
Кланаваньне чалавека
Летась паўднёвакарэйскія вучоныя сталі першымі, каму ўдалося кланаваць чалавечы эмбрыён, каб атрымаць яго ствалавыя клеткі, а ў амэрыканскім Пітсбургу атрымалі клоны эмбрыёна макакі-рэзуса.
Нават пры такім досьведзе спэцыяліст па ствалавых клетках зь лёнданскага Кінгс-каледжу доктар Стывэн Мінгер надзвычай асьцярожна гаворыць пра тэрміны кланаваньня: «Гэта будзе вельмі цяжка». Хоць у Пітсбургу ажыцьцёўлена пасьпяховае кланаваньне прыматаў, усе спробы імплянтацыі праваліліся.
Тым ня менш, адзначае «Гардыян», да канца году можна чакаць праўдзівых і навукова верагодных паведамленьняў пра кланаваньне чалавека, а не такіх, якія ўжо паступалі ад навукоўцаў з сумнеўнай рэпутацыяй накшталт доктара Панаса Заваса ці сэкты рафаэлітаў і кампаніі «Кланэйд».
Таямніцы Тытану
На другім месцы стаіць дасьледаваньне паверхні спадарожніка Сатурну — Тытану. У пятніцу, 14 студзеня, на яго апусьціўся касьмічны зонд «Х’югенз», які ў ноч на 25 сьнежня аддзяліўся ад касьмічнага апарата «Касіні», што знахо¬дзіцца на арбіце Сатурну.
На Тытане ўвесь час ідуць рэакцыі сынтэзу арганічных злучэньняў у азёрах ці нават акіянах вадкага этану, мэтану і азоту. Гэтыя хімічныя працэсы могуць даць уяўленьне аб тым, як зарадзілася жыцьцё на нашай плянэце.
Зьнішчальнік камэт
Яшчэ адно важнае адкрыцьцё, зьвязанае з касьмічнымі дасьледаваньнямі, чакаецца 4 ліпеня, калі касьмічны зонд ажыцьцявіць сутыкненьне з камэтай «Тэмпэль-1», у выніку якога ўтворыцца кратэр глыбінёй з 14-павярховы дом і шырынёй са стадыён. Усё гэта бу¬дзе здымаць бартавая камэра. Калі ў выніку гэтай апэрацыі будуць выяўлены складаныя малекулы, а ня простыя, як чакаецца, то ў 2005 годзе гісторыю Зямлі хутка перапішуць.
Поўны варыянт чытайце ў папяровай і pdf-вэрсіі газэты "Наша Ніва"
АП
Цяпер чытаюць
Выйшаў на свабоду былы топ-журналіст АНТ Дзмітрый Семчанка8
Каментары