Насельніцтва Еўрасаюза перасягнула 450 мільёнаў чалавек. Але рост не паўсюль
Па стане на пачатак студзеня 2025 года насельніцтва Еўрапейскага Саюза складала 450,4 мільёна жыхароў, што на 1 070 702 чалавекі больш, чым годам раней. Рост працягваецца ўжо чацвёрты год запар пасля спаду ў 2021-м, выкліканага наступствамі пандэміі COVID-19. Адпаведныя даныя апублікаваў Еўрастат.
«Калі разглядаць больш шырокія часавыя рамкі, то насельніцтва ЕС вырасла з 354,5 мільёна ў 1960 годзе да 450,4 мільёна на 1 студзеня 2025 года, што на 95,9 мільёна чалавек больш», — адзначаюць у Еўрастаце.
У цэлым у апошнія дзесяцігоддзі рост насельніцтва паступова запаволіўся: на працягу 2005-2024 гадоў ён павялічваўся ў сярэднім прыкладна на 0,9 мільёна чалавек у год. Для параўнання, у 1960-х гадах гэты паказчык дасягаў каля 3 мільёнаў штогод.
Па стане на пачатак бягучага года самымі густанаселенымі краінамі ЕС з'яўляюцца Германія (19% насельніцтва ЕС), Францыя (15%) і Італія (13%), на якіх прыпадала амаль палова (47%) усяго насельніцтва Еўрасаюза.
Сярод 19 краін ЕС, якія зарэгістравалі самыя высокія тэмпы прыросту насельніцтва-Мальта (+19,0 на 1 000 чалавек), Ірландыя (+16,3) і Люксембург (+14,7).
У васьмі еўрапейскіх краінах цягам года зафіксавалі скарачэнне насельніцтва. Больш за ўсё — у Латвіі (агульны паказчык змены насельніцтва -9,9 на 1 000 чалавек), Венгрыі (-4,7), Польшчы і Эстоніі (-3,4).
Цяпер чытаюць
Каментары
Колькасць НІКУДЫ НЕ СЯГАЕ!
перасягнуць == превзойти; преодолеть; перейти; перешагнуть