ГУБАЗіК заявіў пра затрыманне двух магілёўцаў: нібыта яны ехалі ў краіну з пашпартамі Новай Беларусі
ГУБАЗіК паведаміў пра затрыманне двух жыхароў Магілёва, якія нібыта спрабавалі ўехаць у Беларусь з пашпартамі Новай Беларусі. Імёны затрыманых не называюцца. Адзін з іх знаходзіцца пад вартай, другі — пад падпіскай.
Паводле заявы губазікаўцаў, аднаго з затрыманых яны «яшчэ ў мінулым годзе папярэджвалі пра наступствы атрымання» такога пашпарта і, як пішуць, яны прапаноўвалі ад дакумента адмовіцца.
Дапоўнена: ГУБАЗіК сфатаграфаваў затрыманых з падробленымі пашпартамі Новай Беларусі
Цяпер мужчыну абвінавачваюць паводле ч. 1 арт. 361-4 КК Беларусі — «садзейнічанне экстрэмісцкай дзейнасці», што можа цягнуць да шасці гадоў пазбаўлення волі. Ён змешчаны пад арышт, пішуць губазікаўцы.
Другі магілёвец знаходзіцца пад падпіскай — паводле губазікаўцаў, ён пагадзіўся заплаціць 10 тысяч долараў — у «сторазовым памеры кампенсацыі», спадзеючыся на «спыненне крымінальнай справы за фінансаванне экстрэмізму».
Цяпер чытаюць
Стрыжак: Я проста гаўно, я ляжу на дне самай бруднай канавы і адтуль спрабую нешта сказаць у сваю абарону34
Каментары