Цяпер у польскай сталіцы хуткасьць праезду па галоўных трасах будуць фіксаваць камэры.
‑ Дзякуючы гэтаму ня будзе болей сытуацыяў, калі кіроўцы запавольваюць хуткасьць у месцах паліцэйскага кантролю, а пасьля ціснуць на газ да ўпору — кажа Яцэк Залеўскі, кіраўнік варшаўскай дарожнай паліцыі.
Як будзе выглядаць лоўля парушальнікаў? Пры ўезьдзе на трасу ў асфальт будуць мантавацца індукцыйныя петлі. Менавіта яны адкажуць за актывізацыю «разумнай» камэры. Камэра прачытае нумарны знак машыны, зафіксуе час яе ўезду на трасу i перадасьць гэтыя дадзеныя ў кампутар. Напрыканцы трасы таксама будуць мантавацца петлі і камэра. Калі акажацца, што машына праехала адрэзак за надта кароткі час, г.зн. перавысіла дапушчальную хуткасьць, яе дадзеныя будуць уносіцца ў сьпіс, а ўладальнік атрымае штраф.
Дарожная паліцыя зьвярнулася да сталічных ўладаў па 40 млн. злотых (каля 10 млн. эўра) на збудаваньне гэткай сыстэмы. Грошы будуць узятыя з эўрапейскіх фондаў.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі9
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце3838
Каментары