Як паведаміў БелаПАН намеснік начальніка Цэнтральнага РАУС Гомеля Мікалай Самойленка, 16 чэрвеня ў міліцыю звярнуўся гамяльчанін з заявай, што пасля наведвання гастранома «Іпуць» у яго прапаў кашалёк, у якім знаходзіліся дакументы і грошы — 870 долараў ЗША. Грамадзянін меркаваў, што невядомыя выкралі яго маёмасць пры наведванні магазіна.
«Праз тры дні гэтаму мужчыну патэлефанаваў невядомы і сказаў, што знайшоў згублены кашалёк, у якім былі імянныя пластыкавыя карткі і долары ЗША. Ён таксама расказаў, што знайшоў кашалёк на гандлёвым месцы на рынку, дзе гандлявала яго цешча. І дзякуючы прозвішчу на картцы змог самастойна адшукаць уладальніка. Аказалася, што мужчына згубіў сваю маёмасць не ў гастраноме ў Навабеліцы, а на Цэнтральным рынку», — удакладніў М.Самойленка.
Мужчына ў заяве ў міліцыю ўказаў, што ў кашальку было 870 долараў. А гамяльчанін вярнуў яму кашалёк з 911 доларамі ЗША. «Дарэчы, такія выпадкі хоць і рэдкія, але здараюцца ў нашым горадзе. У наш РАУС людзі прыносяць згубленыя кімсьці кашалькі і мабільныя тэлефоны. Але гэты выпадак усё ж асаблівы», — зазначыў М.Самойленка.
70-гадовую жанчыну з Гомеля пасадзілі за каментары. Гэта самая пажылая палітзняволеная14
Каментары