Кіраўнік французскай асацыяцыі мяснікоў Жан-Жак Гіяр у адкрытым лісце звярнуўся да ўладаў з просьбай абараніць мясныя крамы ад агрэсіўных веганаў, якія імкнуцца нанесці шкоду «цэламу сегменту французскай культуры» спажывання мяса, піша Бі-бі-сі.
Веганы закідваюць камянямі мясныя крамы, малююць графіці на вітрынах і выкарыстоўваюць іншыя формы вандалізму, каб прапагандаваць сваю філасофію, гаворыцца ў лісце Жана-Франсуа Гіяра.
Ён адзначае, што за апошнія некалькі месяцаў у Францыі аблілі крывёй вітрыны 15 мясных крамаў.
«Гэтыя людзі імкнуцца пасеяць тэрор і прымусіць цэлую галіну французскай культуры знікнуць», — піша ён.
Веганы імкнуцца «навязаць абсалютнай большасці людзей свой лад жыцця, ці нават сваю ідэалогію», — абураецца Гіяр.
«Веганскі лад жыцця занадта раздзьмуты ў СМІ», — наракае мяснік.
Вегетарыянцы і веганы складаюць невялікую частку насельніцтва Францыі: праведзенае ў 2016 годзе апытанне, паказаў, што мяса ў ежу не ўжываюць каля 3% французаў.
Цяпер чытаюць
«Стаяць на сваім, кожны наколькі можа!» Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі10
Каментары