Termin pačatku kamercyjnaj ekspluatacyi sietki treciaha GSM-aperatara ZAT «Biełaruskaja sietka telekamunikacyj» pieranosicca na niavyznačany termin.
Na sklikanaj 19 vieraśnia z hetaj pryčyny pres-kanferencyi hiendyrektar kampanii Michaił Dziemčanka j jaho namieśnik Siarhiej Pabłahujeŭ padkreślili, što zhodna z suśvietnym dośviedam kamercyjnaja ekspluatacyja sietki zvyčajna pačynajecca nie raniej čym praz paŭhodu paśla mantažu abstalavańnia.
Ale «BieST» sam skaraciŭ terminy da 2—3 miesiacaŭ — ministar suviazi i infarmatyzacyi Ŭładzimier Hančarenka nastojvaŭ, kab novy GSM-aperatar pačaŭ kamercyjnuju ekspluatacyju sietki 18 vieraśnia, pahražajučy prypynić dziejnaść licenzii.
«Biest» vykanać patrabavańnie nia zdoleŭ. Abstalavańnie ad kitajskaj kampanii «Alkatel Šanchaj» jašče navat całkam nie pastupiła. Jaho mantaž pačaŭsia tolki dva tydni tamu, kali Minsuviazi vydała «Biestu» sertyfikat na adpaviednaść kitajskaha abstalavańnia.
Dziaržaŭnyja ŭstanovy nie skaardynavali dziejnaści pa stvareńni ŭmoŭ dla pracy dziaržaŭnaj ustanovy. Ale pakul usio skončyłasia cicha. Licenziju nichto nie adklikaŭ, ale i dakładny termin pačatku pracy «Biestu» zastajecca nieviadomy.
∎
ZAT «BieST» zarehistravanaje ŭ listapadzie 2004 h. Zasnavalniki kampanii — navukova-vytvorčaje dziaržaŭnaje abjadnańnie «Ahat» (75 %) i RUP «Biełtelekam» (25 %).
Ciapier čytajuć
Litva znoŭ začyniła miažu ź Biełaruśsiu — iznoŭ šary z kantrabandaj14
Kamientary