U Rasii sprabujuć adradzić «Vołhu». Niechta zaśniaŭ novuju madel — heta kopija Geely
Pra płany adradzić vypusk aŭtamabilaŭ pad brendam «Vołha» ŭsurjoz zahavaryli jašče letam 2022 hoda, paśla taho jak suśvietnyja aŭtavytvorcy pačali sychodzić z Rasii ŭ adkaz na vajennuju ahresiju suprać Ukrainy.
Druhoje adradžeńnie
Pieršy raz «novyja» Volga prezientavali ŭ mai 2024 hoda. Tady ŭ Nižnim Noŭharadzie pakazali adrazu try novyja aŭtamabili Volga: siedan Volga S40 i dva krasoviery Volga K30 i Volga K40.
Praŭda, pa fakcie, publicy pakazali nie niešta novaje, a try aŭtamabili kitajskaha brenda Changan, tolki vypuščanyja pad rasijskim brendam.
Ad aryhinalnych madelaŭ rasijskija «Vołhi» adroźnivalisia tolki radyjatarnaj rašotkaj i šyldzikami. Pieršym płanavali naładzić vypusk siedana S40, vypusk krasovieraŭ K30 i K40 byŭ zapłanavany na pačatak 2025 hoda.
Ale płany zastalisia płanami, i vypusk kitajskich Changan pad rasijskim brendam tak i nie pačaŭsia. Paźniej stali havaryć, što nibyta novym partnioram stanie Geely.
Dniami hetym razmovam znajšłosia paćviardžeńnie, kali niechta zaśniaŭ «novuju» madel Volga pry razhruzcy.
Adrodžanaj Volga akazaŭsia novy Geely Atlas. Adzinaje adroźnieńnie ad aryhinalnaj Geely — šyldziki na rašotcy radyjatara, kryšcy bahažnika i kałpačkach na kołavych dyskach.
Pry hetym na piarednim bampiery zastaŭsia nadpis «Geely design».
Raniej pa padobnaj schiemie ŭ Rasii «adradzili» brend «Maskvič», jakija ciapier źbirajuć na mahutnaściach byłoha zavoda Renault u Maskvie. Jak i ŭ vypadku z «Vołhaj», z rasijskaha tam tolki nazva, a pa fakcie — kitajski JAC.
U nulavyja Vołha była amierykankaj
Admietna, što ŭ hetaha rasijskaha aŭtavytvorcy ŭžo byŭ dośvied vypusku inšamarak pad ułasnym brendam. Tak, u 2008‑2010 hady na mahutnaściach zavoda ŭ Nižnim Noŭharadzie naładzili vypusk siedana Volga Siber, jaki źjaŭlaŭsia kopijaj Chrysler Sebring druhoha pakaleńnia. Toj vypuskaŭsia ŭ Štatach z 2000 pa 2006 hod.
Tady pieršapačatkova płanavałasia, što ŭ 2008 hodzie budzie vypuščana 10 000 aŭtamabilaŭ Volga Siber, a ŭ 2009‑m — 45 000. Realnyja ličby vytvorčaści akazalisia kudy bolš ścipłymi. U pieryjad z 2008 pa 2010 hady było vypuščana ŭsiaho 8933 adzinki Volga Siber.
Na hetym vytvorčaść aŭto pad brendam Volga spyniłasia. Kali brać čystakroŭnyja «Vołhi», to ich pierastali vypuskać jašče raniej — u 2009-m.
Tak vyhladała apošniaja aryhinalnaja madel «Vołha», praŭda, i ŭ joj u apošnija hady vypusku ŭstaloŭvali ŭžo mator ad Chrysler.
Litva znoŭ začyniła miažu ź Biełaruśsiu — iznoŭ šary z kantrabandaj9
Kamientary
ni
"zaśniať"
ni
"kołpačkov"
Eto kak vor, kotoryj hromčie vsiech kričit -"dierži vora!".