Siłaviki masava zatrymlivajuć udzielnikaŭ konkursu homielskaha treš-błohiera
Tym časam da konkursu Mellstroy aktyŭna dałučyŭsia navat tyktokier-jabaćka.
Błohier Mellstroy — heta ŭradženiec Homiela Andrej Burym. Skandalnuju viadomaść jon atrymaŭ u 2020 hodzie, kali padčas adnaho sa svaich strymaŭ źbiŭ dziaŭčynu. Paśla hetaha na Buryma zaviali kryminalnuju spravu. U vyniku jamu pryznačyli paŭhoda vypraŭlenčych rabot i štraf. Pieryjadyčna Buryma abviaščajuć u vyšuk u Biełarusi i Rasii, tady błohier chavajecca niedzie za miažoj.
Ciapier Mellstroy maje 3,6 miljona padpisčykaŭ u tyktoku i 3 miljony ŭ instahramie.
Niekalki dzion tamu błohier abviaściŭ konurs kreatyŭnych videa ŭ tyktoku — zaklikaŭ pijaryć svoj prajekt Mellstroy.game. Abiacaŭ ciaham miesiaca štodzień nabyvać kvateru tyktokieru, videa jakoha bolš za ŭsio jamu spadabajecca.
Paśla hetaha ŭ tyktoku pačałosia niejkaje šalenstva. Ludzi malujuć nazvu prajekta na zubach, robiać tatuiroŭki, razmaloŭvajuć pašparty…
Užo niamała biełarusaŭ dałučyłasia da čelendžu. Naprykład, supracoŭnik MNS z Hrodna zdymacca ŭ videa dla treš-błohiera paklikaŭ pažarnuju bryhadu.
Praŭładny błohier PałVanyč, jaki maryć uziać intervju ŭ ministra infarmacyi Marata Markava, taksama zapisaŭ niekalki rolikaŭ ź nieabchodnym chešteham. U kamientaryjach pačali aburacca, što jon rekłamuje kazino.
Niechta dadaŭ nieabchodny nadpis na rolik BT.
Chłopiec z Homiela razmalavaŭ svoj pašpart.
Uvažliva sočać za konkursam i biełaruskija siłaviki.
Staličnaja milicyja ŭžo paviedamiła, što zatrymała niekatorych tyktokieraŭ. Naprykład, chłopca, jaki prajšoŭsia z płakatam z nadpisam Mellstroy.game pa Niamizie, ci dziaŭčynu z anałahičnym płakatam u mietro. Usio heta paličyli niesankcyjanavanym pikietavańniem.
Načalnik upraŭleńnia achovy pravaparadku i prafiłaktyki HUUS Minharvykankama Siarhiej Harochaŭ papiaredziŭ, što va ŭsich, chto zajmajecca takoj rekłamaj, buduć prablemy.
Darečy, Mellstroy nie ŭpieršyniu padbivaje ludziej rabić dziŭnyja ŭčynki, abiacajučy šmat hrošaj.
Naprykład, letaś školnik ź Litvy paprasiŭ prezidenta krainy pavinšavać lubimaha błohiera — bo Mellstroy abiacaŭ za vinšavańnie ad prezidenta luboj krainy 2 miljony dalaraŭ. Hitanas Naŭsieda, jaki, napeŭna, nie aryjentujecca ŭ treš-błohierach, nie admoviŭ dziciaci. U vyniku Mellstroy, kaniešnie, hrošaj chłopcu nie pieravioŭ.
A ŭ Łondanie letaś 16‑hadovy padletak vybieh na pole pierad finałam Lihi čempijonaŭ «Reał» Madryd — «Barusija» Dortmund na stadyjonie «Uembli» ŭ Łondanie za abiacanyja biełaruskim błohieram 300 000 funtaŭ sterlinhaŭ (386 500 dalaraŭ).
Padletak nie tolki nie atrymaŭ hrošy, ale i trapiŭ u palicyju. Chłopca prysudzili da ŭmoŭnaha terminu na šeść miesiacaŭ i abaviazali vypłacić uniosak na pakryćcio sudovych vydatkaŭ.
Ciapier čytajuć
Jeździli šukać navat u BSSR, a nieapaznanaje cieła 30 hadoŭ lažała ŭ śpiecschoviščy. Novyja detali zahadkavaha źniknieńnia ŭ ZŠA biełaruskaha piśmieńnika Mikoły Celeša22
Kamientary