Pašyreńnie biełaruskaj movy ŭ mižnarodnym etery spryjaje demakratyzacyi Biełarusi
Zajava Sakrataryjatu TBM
Sioleta Eŭraźviaz urešcie źviarnuŭ uvahu na prablemu ŭcisku niedziaržaŭnych ŚMI ŭ Biełarusi j abviaściŭ šerah tenderaŭ pa arhanizacyi dadatkovaha viaščańnia na Biełaruś. U lipieni było paviedamlena ab namierach Eŭrakamisii padtrymać viaščańnie na Biełaruś radyjostancyi «Niamieckaja chvala», ale tolki na rasiejskaj movie. Biesprecedentnaje rašeńnie ab viaščańni na movie susiedniaj dziaržavy vyklikała abureńnie tysiač hramadzian Biełarusi, dziasiatkaŭ niedziaržaŭnych arhanizacyj, biełaruskaj dyjaspary.
Hramadzkaje abjadnańnie «Tavarystva biełaruskaj movy imia F.Skaryny» vykazvaje rašučuju niazhodu z namierami vieści viaščańnie na biełaruskuju aŭdytoryju pa-rasiejsku. Pačynajučy z XIX st., palityku rusifikacyi na terytoryi našaj krainy paśladoŭna pravodzili ŭłady Rasiejskaj imperyi i kamunistyčnyja ŭłady SSSR. Ciapier estafetu pa rusifikacyi biełarusaŭ prymaje na siabie demakratyčnaja Eŭropa...
TBM adznačaje, što biełaruskaja mova, na jakoj byŭ napisany (...) Statut VKŁ, doŭhi čas była movaj mižnarodnych znosin. Zhodna z Kanstytucyjaj 1994 h., mienavita biełaruskaja mova była pryznana adzinaj dziaržaŭnaj u našaj krainie. (...) Tamu biełaruskaja mova była i jość movaj demakratyi ŭ našaj krainie. Žadańnie Eŭrakamisii addać pieravahu rasiejskaj movie budzie ŭsprymacca biełaruskim narodam jak adstupleńnie ad demakratyčnych normaŭ, hulniu pa čužych praviłach i sapraŭdnaj demakratyi ŭ Biełaruś nie pryniasie.
(Skaročana.)
Pryniata na pasiadžeńni Sakrataryjatu HA «TBM imia F.Skaryny»
21 vieraśnia 2005 h.
Ciapier čytajuć
Alaksandra Šakucina adpuścili paśla troch sutak u SIZA6
Alaksandra Šakucina adpuścili paśla troch sutak u SIZA
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary