Kanadzkija palaki inicyjavali śledztva pa fakcie spaleńnia savieckimi partyzanami ŭ 1944 hodzie vioski Kaniuchi, što za Bieniakoniami.
Trahiedyja vioski Kaniuchi (ciapier Kaniukaj u Litvie) zdaryłasia ŭnačy na 29 studzienia 1944 h. a 5-j ranicy. Savieckija partyzany atačyli viosku i źniščyli jaje žycharoŭ. Heta była pomsta za toje, što sialanie arhanizavali atrad samaachovy — baranicca ad partyzanskich nabiehaŭ. Siało ŭ toj čas uvachodziła ŭ skład Lidzkaje akruhi.
Raśśledavańnie inicyjavali kanadzkija palaki, potym padklučylisia Instytut nacyjanalnaj pamiaci ŭ Varšavie j Hałoŭnaja kamisija daśledavańnia złačynstvaŭ suprać polskaha narodu. U Centralnym vajskovym archivie vyjavili try dakumenty, jakija paćviardžajuć fakt złačynstva. Tak, niamieckaja spravazdača davodzić, što ŭ Kaniuchach u studzieńskuju noč byli zastreleny 36 žycharoŭ, a 14 byli paranieny. Inšyja dakumenty — što napad ździejśniŭ atrad u 100—200 čałaviek, siarod jakich najbolš było ŭciekačoŭ, što ŭratavalisia ź vilenskaha hieta. Viosku padpalili z abodvuch kancoŭ, a pa tych, chto sprabavaŭ uciačy, stralali. Nie škadavali nikoha. Udałosia ŭratavavacca tolki hrupie žančyn.
«Tyhodnik Vilenščyzny» piša, što siarod źniščalnikaŭ Kaniuchoŭ byli partyzany z atradaŭ «Śmierć fašystam», «Da pieramohi», «Śmierć akupantam». U memuarach Chaima Łazara «Źniščeńnie i supraciŭ» (Destruction and Resistance. New York: Shengold Publishers, 1985) tak apisvajucca hetyja padziei: «Štab bryhady vyrašyŭ zraŭniać Kaniuchi ź ziamloj, kab dać prykład inšym».
U traŭni 2004 h. u Kaniuchach pastaŭleny pomnik pamiaci achviar — na im 34 viadomyja na siońnia imiony.
Minhandlu vypadkova źliło dakumient, u jakim pakazała, jak i za što naličvaje premii11
Kamientary