«Kandydat bolšaści»

Milinkievič nie źviazany pa rukach partyjnymi stratehijami, jaho štab pavinien i vymušany abapiracca na ŭłasnuju «stratehiju pieramohi», davodzić redakcyjny artykuł internet-partału «Naša dumka» pad zahałoŭkam «Kandydat bolšaści».

Na dumku kamentatara, jaki chavajecca pad pseŭdanimam Janaŭ Paleski, z vybrańniem Alesia Milinkieviča apazycyja znajšła svoj tvar. Palityčnaja apatyja zusim nie źjaŭlajecca admietnaj rysaj biełaruskaha narodu — heta vynik deficytu palityčnych navin. Ale voś źjaviŭsia Milinkievič — i ludzi pačali razmaŭlać. Zahadka Milinkieviča — heta zahadka čempijona: jak jon damohsia vyniku — nieviadoma i nieistotna, bo pieramoha jość pieramoha.

Aŭtar dapuskaje, što pašyreńnie składu delehataŭ kanhresu było ździejśniena dla taho, kab Milinkievič, jaki vyjhravaŭ u rehijonach, pravaliŭsia ŭ stalicy. U vyniku jon usio adno pieramoh, prytym na «šyrokaj pradstaŭničaj bazie», što daje jamu prava być nie «alternatyŭnym kandydatam», a «kandydatam nadziei».

Sacyjalahičnyja apytańni, pavodle jakich padtrymka Łukašenki vahajecca na ŭzroŭni 40%, niasłušna interpretujucca. Hetaja ličba pakazvaje tolki toje, što «bolšaść ličyć, što bolšaść padtrymlivaje Łukašenku», — miarkuje analityk. Ludzi nie addajuć pieravahi Łukašenku — jany prosta nie žadajuć zaličvać siabie da apazycyjnaj rezervacyi. «Bolšaść źjaŭlajecca specyjalistam tolki ŭ adnym pytańni: jak nie zastacca ŭ mienšaści», — śćviardžaje Janaŭ Paleski.

Dla taho kab być kandydatam bolšaści, Milinkieviču treba «zahadkavym čynam źmiaščać u sabie «bolšaść», u dačynieńni da jakoj intaresy partyj i hrup uličvajucca «praz kosku». Jak kandydat bolšaści, Milinkievič bolš nia źviazany pa rukach partyjnymi stratehijami, jaho štab pavinien i vymušany abapiracca na svaju ŭłasnuju «stratehiju pieramohi».

Aŭtar nie admaŭlaje stabilnaści biełaruskaha hramadztva. Tak, u vas usio stabilna — značycca, lepiej žyć nia budziecie, tak jon jaje rasšyfroŭvaje. Jak hibieli ŭ vioscy, tak i budziecie zahinacca, jak nie mahli zarabić na kvateru, tak i nie zarobicie, jak zmahaŭsia Łukašenka z karupcyjaj 12 hod, tak i budzie zmahacca i h.d. «Ciažka znajści čałavieka, jaki nie zacikavicca sacyjalnaj palitykaj dziaržavy, kali jamu pakazać, jakim čynam hetaja palityka zakranaje niepasredna jaho i jakim čynam možna damahčysia jaje palapšeńnia», — piša Janaŭ Paleski. Ludzi, navat kali im žyviecca dobra, zaŭsiody žadajuć žyć jašče lepš. Naturalna, jość i takija, jakija hetaha nie žadajuć, ale jany — u mienšaści. «My ž viadziom havorku pra bolšaść. I pra jaje kandydata», — padsumoŭvaje analityk.

• 0
• 0
• 0
• 0
• 0
• 0
• 0
• 0