Palitolah Uładzimier Mackievič inicyjuje stvareńnie chryścijanskaje partyi. Asnovu jaje majuć skłaści pratestanty.
«Pratestanty zajmajuć druhoje miesca pa kolkaści prychodaŭ paśla pravasłaŭnych. A pa aktyŭnaści — daloka apiaredžvajuć ich», — kaža U.Mackievič — znany palitolah i, u svoj čas, viadučy tok-šoŭ «Vybar». Adnačasna U.Mackievič nie admaŭlaje dałučeńnia da partyi chryścijanaŭ inšych denaminacyj: «I ŭsich, chto padzialaje chryścijanska-kanservatyŭnyja kaštoŭnaści j pohlady».
U pieršaj pałovie 1990-ch ideju stvareńnia chryścijanskaj partyi vynošvali pradstaŭniki katalikoŭ i pravasłaŭnych, adnak inicyjatyva zahłuchła. «Ideja stvareńnia palityčnaha pradstaŭnictva chryścijanaŭ naśpieła ŭžo niekalki hadoŭ tamu. Jaje ŭ roznych formach vykazvali roznyja palityčnyja dziejačy, apošnim — Pavał Sieviaryniec. Ja viedaju prynamsi try inicyjatyvy pa stvareńni ŭpłyvovaj chryścijanskaj partyi, jakija patrabujuć uzhadnieńnia. Chryścijanie-pratestanty — najbolš zahartavanaja i źjadnanaja častka biełaruskaha hramadztva. Ź inšaha boku, ciapier jany znachodziacca pad ciskam ułady. Tamu palityčnaje abjadnańnie chryścijanaŭ siońnia nieabchodnaje i maje padtrymku z roznych bakoŭ».
U.Mackievič ličyć, što siła partyi budzie nie ŭ jaje šmatlikaści, a va ŭpłyvovaści: «Napačatku budzie dastatkova nieabchodnych dla rehistracyi 1000 čałaviek, kab praces pačaŭsia. My raźličvajem nia stolki na kolkasny rost, jak na ŭpłyvovaść, bo chryścijanie składajuć vialiki adsotak žycharoŭ Biełarusi».
Ciapier čytajuć
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii
Kamientary