Staličny zaamahazin «Pryroda» na praśpiekcie Niezaležnaści, 89, vystaŭleny na prodaž, piša Office Life.
Mahazin pracuje z 1994 hoda, to bok bolš za 30 hadoŭ. U abjavie jaho nazyvajuć «znakavym miescam z historyjaj i stałym patokam klijentaŭ».
Ahulnaja płošča pamiaškańnia — 398,5 kv. m. Mahazin raźmieščany na pieršym paviersie žyłoha doma, ale ŭvachod asobny — z praśpiekta.
Za jaho prosiać kala 74,5 tys. rubloŭ, abo $25 tys.
Asobnaja ŭvaha nadajecca vitrynam kramy. Jak adznačajecca ŭ abjavie, amal usie šklanyja pavierchni zaniaty rekłamnymi banierami ad viadomych brendaŭ zaatavaraŭ. U vyniku rekłamnaja płošča nie patrabuje ŭkładańniaŭ z boku ŭłaśnika — naadvarot, kampanii-brendy sami vyrablajuć druk, mantaž i abnaŭleńnie svaich materyjałaŭ na partniorskich umovach.
Pamiaškańnie padychodzić jak dla zachavańnia farmatu, tak i dla maštabavańnia pad franšyzu, kliniku, markiet abo šmatfunkcyjanalny centr.
Paviedamlajecca, što biźnies całkam hatovy da pieradačy: supracoŭniki, tavarnyja reštki, baza pastajannych klijentaŭ, łahistyka z pravieranymi pastaŭščykami. Mahčymy taksama pierachod arendy abo abmierkavańnie prodažu z pamiaškańniem (pa asobnym pahadnieńni).
Ciapier čytajuć
Pamior narodny artyst Biełarusi Jarasłaŭ Jeŭdakimaŭ — vykanaŭca chitoŭ «Začarovanaja maja» i «Fantazior»15
Kamientary
Sama krama piša pra 1972 h. zasnavańnia, u 2022 h. pisała pra 55 hod pracy (što paśla paŭtarali bieź źmieny ličby) - 1967 h.
U daviedniku pa Minsku na 1.01.1967 krama ŭžo była.
Kali tolki ŭ 1994-m moh źmianicca nabor pamiaškańniaŭ pad kramu u domie 89. Bo raniej tam była i "Dyjetyčnaja stałovaja". Pra heta moža śviedčyć i dadatak ad pradaŭca "pracuje ŭ hetaj łakacyi".