Paśla źvierki z čarhi majučych patrebu ŭ žylli mohuć być źniaty kala 30 tys. čałaviek.Ab hetym na naradzie pa raźvićci žyllovaha budaŭnictva ŭ Minsku prainfarmavaŭ 29 listapada Alaksandra Łukašenku staršynia Minskaha harvykankama Mikałaj Ładućka.
Jak raskazaŭ Mikałaj Ładućka, u Minsku na čarzie majučych patrebu ŭ palapšeńni žyllovych umoŭ znachodziacca 265 tys. siemjaŭ i hramadzian.
Pavodle jaho słoŭ, za 10 hadoŭ heta čarha pavialičyłasia ŭ 2 razy, pryčynaj čaho źjaŭlajecca mihracyjny pryrost nasielnictva z rehijonaŭ.
Rost čarhi krychu prypyniŭsia z uviadzieńniem zakanadaŭčych abmiežavańniaŭ pa terminach rehistracyi ŭ stalicy dla pastanoŭki na ŭlik majučych patrebu ŭ žylli i źnižeńniem ulikovaj normy da 10 kv.m na čałavieka. Ciapier Minharvykankamam viadziecca źvierka hramadzian na pradmiet najaŭnaści ŭłasnaści na terytoryi ŭsioj krainy. Tak, z čarhi majučych patrebu ŭ žylli ŭžo źniata 13 tys. hramadzian, da 1 krasavika heta rabota budzie zavieršana, i, pavodle papiarednich danych, z čarhi budzie źniata amal 30 tys. čałaviek.
Mikałaj Ładućka źviarnuŭ uvahu taksama na toje, što siońnia ŭ 5 razoŭ źmienšyłasia kolkaść hramadzian, jakija majuć prava na budaŭnictva žylla z dapamohaj ilhotnaha kredytu, — heta 42 tys. čałaviek, ź jakich 24 tys. majuć prava na pazačarhovaje nakiravańnie na budaŭnictva.U toj ža čas hramadzianie, jakija stracili prava na lhotnaje kredytavańnie, zastajucca ŭ čarzie i majuć mahčymaść budaŭnictva pa sabiekošcie.
Minharvykankam ličyć, što ŭ isnujučaj situacyi, kali niemahčyma istotna naraścić abjomy budaŭnictva i zabiaśpiečyć usich majučych patrebu ŭ palapšeńni žyllovych umoŭ staličnych žycharoŭ žyllom za karotki čas, treba ŭ pieršačarhovym płanie zadavolvać zapyty i budavać kvatery dla hramadzian, jakija majuć prava na lhotnyja kredyty. U hetym vypadku ich termin znachodžańnia na čarzie składzie ŭ siarednim 5–6 hadoŭ pry budaŭnictvie ŭ hod 450 tys.kv.m dla takich hramadzian.
U suviazi z hetym bačycca nieabchodnym naroščvańnie abjomaŭ žyllovaha budaŭnictva za miežami Minska.-
Ciapier čytajuć
Statkievič raskazaŭ, jak vyžyvaŭ u źniavoleńni. I čym zajmajecca ciapier1
Kamientary