U zatrymańni ŭdzielničali 30 čałaviek.
Nahadajem, što ŭčora ź Miensku ŭ aŭtaprabieh nakiravałasia čatyry mašyny, jakija musili prajechać pa maršrucie: Baranavičy — Niaśviž — Salihorsk — Mahiloŭ — Škłoŭ. Mašyny paśpieli prajechać litaralna 20 kilametraŭ pa Bieraściejskaj šašy, jak ich spyniŭ pieršy ž post DAI. Milicyjanty paprasili kiroŭcaŭ pajechać za imi ŭ Dziaržynski rajonny adździeł milicyi dziela pravierki dakumentaŭ. Praź niekatory čas milicyjanty skazali, što mašyny zastajucca ŭ ich da poŭnaj pravierki, a pasažyry mohuć być volnymi.
Častka ŭdzielnikaŭ prabiehu vyrašyła viarnucca ŭ Miensk, a častka — usio ž nakiravałasia ŭ Baranavičy na elektryčkach. Prykładna apoŭnačy ŭdzielniki prabiehu ŭžo byli ŭžo ŭ Salihorsku, dzie i praviali noč. Nie atrymałasia tolki zajechać u Niaśviž da Nasty Azarki.
Z ranicy častka ŭdzielnikaŭ nakiravałasia na Mahiloŭ dyzielem praz Asipovičy, a jašče piać čałaviek mielisia jechać na mašynie. Adnak aŭtamabil zatrymali za 30 metraŭ ad domu Ivana Šyły. Milicyjanty skazali, što pa ich śviedčańniach na hetaj mašynie mahło być ździejśniena niejkaje złačynstva i advieźli ŭsich u pastarunak. Praź niejki čas pasažyraŭ vyzvalili, ale pa‑raniejšamu nie adpuskajuć kiroŭcu.
Tyja ž, chto pajechaŭ ciahnikom, ščaśliva dabrałasia da Mahilovu. Sustrecca tam z palitviaźniem Arturam Fińkievičam nie atrymałasia, bo chłopca ceły dzień trymajuć u kamendatury.
Z Mahilovu 13 čałaviek nakiravalisia da vioski Ryžkavičy, dzie adbyvaje pakarańnie Daškievič. Tam jany mielisia pavinšavać chłopca z dniom narodzinaŭ. Moładź nie paśpieła navat padyści da kalonii, jak da ich padyšli 30 milicyjantaŭ, supracoŭnikaŭ MNS, rabotnikaŭ kalonii. Jany «prapanavali» prajechać ź imi ŭ škłoŭski RUUS dziela vyśviatleńnia asobaŭ.
Praź niekatory čas maładych ludziej advieźli na škłoŭski čyhunačny vakzał, pasadzili na dyzel da Mahilova, i ŭ supravadžeńni milicejskaha kanvoju viazuć u abłasny centar.
Ciapier čytajuć
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ9
Kamientary