Fien zaprahramavany na try režymy nahrevu i siły patoku pavietra. Prasy buduć vypuskacca troch madelaŭ
U najbližejšyja dva‑try miesiacy AAT «Haryzont» raspačnie vypusk fienaŭ i prasaŭ, paviedamili BiełaPAN u adździele markietynhu pradpryjemstva. Raniej pradpryjemstva hetyja vyraby nie vypuskała.
Jak zaznačyli na «Haryzoncie», linija fienaŭ pradstaŭlena tryma madelami: «Mild», «Fresh» i «Breeze». Madel «Mild» mahutnaściu 1400 Vt vyznačajecca nievialikimi pamierami i maje składnuju ručku. Fien zaprahramavany na try režymy nahrevu i siły patoku pavietra. «Fresh» i «Breeze» vałodajuć bolš vysokaj mahutnaściu (1700 Vt) i bolšym vybaram nastrojki režymu suški. Fieny zabiaśpiečany nasadkami‑dyfuzarami i kancentratarami. U madel «Breeze» taksama dadadzieny režym suški «Turbo», što pavialičvaje chutkaść padačy pavietra.
Prasy buduć vypuskacca troch madelaŭ «Glide Simply», «Glide Hot» i «Glide Elegant».
«Glide Simply» maje aluminijevuju padešvu z tefłonavym pakryćciom. «Glide Hot» vałodaje funkcyjami paraŭvilhatnieńnia i farsiravanaha praparvańnia. Madel «Glide Elegant» — samaja mahutnaja ź sieryi. Aprača taho, apošnija dźvie madeli majuć ustojlivuju da miechaničnych paškodžańniaŭ padešvu ź nieržaviejučaj stali. Usie madeli majuć funkcyju ŭvilhatnieńnia tkaniny z dapamohaj ubudavanaha raspyrskvalnika.
VA «Haryzont» było zasnavana ŭ 1950 hodzie, u 2002 hodu pieraŭtvorana ŭ AAT. Siońnia heta najbujniejšaja ŭ Biełarusi i krainach SND kampanija pa vytvorčaści televizijnaj techniki. Aprača televizaraŭ vypuskaje DVD‑prajhravalniki, aŭdyjotechniku, radyjopryjomniki, SVČ‑piečy, pyłasosy, techniku dla kabielnaha telebačańnia, bytavyja kandycyjaniery.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak2020
Kamientary