U 2013 hodzie na 1.700 miescaŭ skarocicca pryjom abituryjentaŭ u VNU na navučańnie za srodki biudžetu, u tym liku na dzionnaj formie navučańnia — na 800 miescaŭ [u 2012 h. na biudžet płanavałasia nabrać 24,4 tys. studentaŭ -- NN]. Pra heta paviedamiŭ ministr Siarhiej Maskievič 6 lutaha na kalehii Minadukacyi ŭ Minsku.
Pavodle jaho słoŭ, pry skaračeńni ahulnaha abjomu pryjomu praciahniecca pieraraźmierkavańnie miescaŭ ź niezapatrabavanych na «zapatrabavanyja vysokatechnałahičnyja śpiecyjalnaści». Važnaja zadača, skazaŭ Maskievič, — «inavacyjnaja aktyŭnaść, uzmacnieńnie praktyčnaj padrychtoŭki ŭ VNU».
Z metaj pavyšeńnia jakaści padrychtoŭki ŭ 2013 hodzie płanujecca pavialičyć nižni paroh dla ŭdziełu ŭ konkursie pry pastupleńni ŭ VNU da 15 bałaŭ pa ruskaj i biełaruskaj movach, fizicy, matematycy, chimii, bijałohii, da 20 bałaŭ — pa humanitarnych pradmietach. Pavodle prahnozu ministra, u suviazi z hetym sioleta źmienšycca abjom pryjomu na płatnuju formu navučańnia. Jon taksama paviedamiŭ, što ŭ 2011/2012 navučalnym hodzie z VNU Biełarusi
Važnym kirunkam jon ličyć pavieličeńnie pryjomu ŭ VNU abituryjentaŭ, jakija atrymali siaredniuju śpiecyjalnuju adukacyju, na skaročanyja terminy navučańnia. Siońnia takuju padrychtoŭku ažyćciaŭlaje 21 VNU sistemy Minadukacyi z 23, usie VNU Ministerstva sielskaj haspadarki i charčavańnia, VNU piaci inšych ministerstvaŭ, siem pryvatnych VNU. Nieabchodna, kab u 2013 hodzie «ŭsie VNU raspracavali intehravanyja adukacyjnyja prahramy i arhanizavali padrychtoŭku pa skaročanych terminach navučańnia, inakš mnohija mohuć zastacca biez studentaŭ», zajaviŭ ministr.Siarod zadač na 2013 hod Maskievič nazvaŭ pierachod VNU na dyfierencyjavanyja terminy navučańnia pa 62% śpiecyjalnaściaŭ.
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary