Śledčym kamitetam raspačata kryminalnaja sprava ŭ dačynieńni da 16-hadovaj vučanicy 11-ha kłasa adnoj sa škoł Lepiela (Viciebskaja vobłaść). Pavodle pravaachoŭnych orhanaŭ, školnica ranicaj 16 lutaha naradziła doma dziaŭčynku, jakuju adrazu ž i zadušyła.
Pavodle papiaredniaj infarmacyi, dziaŭčynka naradziłasia danošanaj i całkam zdarovaj, ale maci padčas rodaŭ straciła šmat kryvi i jaje na chutkaj dastavili ŭ reanimacyjnaje adździaleńnie rajonnaj balnicy Lepiela.
Dakładna ab matyvach učynku školnicy pakul ničoha nie viadoma,ale Śledčym kamitetam u dačynieńni da dziaŭčyny zaviedziena kryminalnaja sprava pa art. 140 Kryminalnaha kodeksa Biełarusi (zabojstva maci svajho dziciaci padčas rodaŭ abo niepasredna paśla ich, ździejśnienaje va ŭmovach psichatraŭmujučaj situacyi, vyklikanaj rodami).
Sankcyja hetaha artykuła praduhledžvaje pakarańnie da 5 hadoŭ pazbaŭleńnia abo abmiežavańnie voli, što vyklikała nieadnarazovyja narakańni hramadstva svajoj miakkaściu i adsutnaściu nižejšaj miažy. Pa sutnaści, maci-zabojca moža być pakarana i niekalkimi miesiacami abmiežavańnia voli, kali, naprykład, budzie dakazana, što padčas rodaŭ jana nie razumieła svaje dziejańni.
Ciapier čytajuć
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary