Našaj krainie naležyć sumnaje pieršynstvo pa chutkaści rostu cen.
Inflacyja — adzin z asnoŭnych pakazčykaŭ ekanomiki, jaki śviedčyć pra jaje stabilnaść. Ad jaje zaležyć staŭka refinansavańnia, a značycca, i dastupnaść kredytaŭ.
Biełaruś možna razhladać jak prykład taho, čaho nie varta rabić u ekanomicy. Naša inflacyja padychodzić pad aznačeńnie «hipierinflacyi». Heta rost cen bolš čym na 100% za try hady.
Aficyjnaja statystyka śviedčyć, što inflacyja ŭ Biełarusi pa stanie na luty 2013 składaje 4,3%. Ličba nievysokaja, ale jana dasiahajecca tolki tamu, što pa mietodycy Biełstata štohod 1 studzienia adbyvajecca «abnuleńnie» inflacyi.
A voś u zachodniaj tradycyi publikacyja hadavoj inflacyi. Heta značycca ceny ŭ lutym hetaha hoda paraŭnoŭvajucca z cenami ŭ lutym minułaha hoda. Pa takoj mietodycy padliku inflacyja ŭ Biełarusi składaje 22,7%.
Heta najbolšy pakazčyk siarod jeŭrapiejskich dziaržaŭ. U nastupnaj krainie ź niestabilnaj ekanomikaj, Sierbii, ceny vyraśli na 12,4%. Jašče čatyry krainy, Turcyja, Rasija, Isłandyja i Vienhryja, majuć hadavuju inflacyju vyšej za 5%. Usie astatnija — mienšuju.
U Jeŭrasajuzie ŭ siarednim ceny za hod vyraśli na 2%. Pakazčyk, niedasiahalny dla našaj krainy ź inflacyjnaj madellu raźvićcia.
Na supraćlehłym baku ad Biełarusi ŭ rejtynhu znachodziacca Šviejcaryja i susiedniaja Ukraina. U hetych krainach ceny za apošnija hod navat źmienšylisia.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary