Kolki my zdabyvajem vady, kolki hublajem, kolki raźlivajem minierałki.
5800 m³ vady prychodzicca na adnaho žychara Biełarusi. Dla paraŭnańnia — u susiednich Polščy i Ukrainie hety pakazčyk składaje 1700 m³.
49,6 młn. m³ presnych padziemnych vodaŭ zdabyvajecca ŭ Biełarusi za sutki. Raźviedanyja resursy padziemnych vodaŭ składajuć 14,3% ad prahnoznych pakazčykaŭ.
Kala 1 650 młn. m³ vady štohod zdabyvajecca z bolš čym 20000 padziemnych i naziemnych vodazaboraŭ.
124 z 235 najaŭnych śvidravin ź minieralnaj vadoj vykarystoŭvajucca biełaruskim sanatoryjami i pradpryjemstvami.
Kala 204 tys. m³ minieralnaj vady zdabyvajecca štohod dla butylavańnia.
84 młn. m³ štohod (kala 0,23 młn. m³ u sutki) hublajecca pa šlachu ad miesca zdabyčy da miesca spažyvańnia. Dla paraŭnańnia — u siarednim adzin biełarus raschoduje za sutki kala 1,5 m³ vady.
Hetyja ličby byli ahučanyja 20 sakavika ŭ časie pres-kanfierencyi, pryśviečanaj Suśvietnamu dniu vodnych resursaŭ.
***
Suśvietny dzień vodnych resursaŭ — adznačajecca štohod 22 sakavika. Abvieščany Hienieralnaj Asamblejaj AAN u 1993 hodzie.
2013 h. abvieščany Hienasamblejaj AAN Mižnarožnym hodam vodnaha supracoŭnictva.
Hladzi taksama: Samaja čystaja raka Biełarusi — Nioman
Ciapier čytajuć
Połk Kalinoŭskaha paviedamiŭ pra hibiel troch bajcoŭ4
Kamientary