U Dziaržynsku raspačata kryminalnaja sprava ŭ dačynieńni da chulihanaŭ, jakija ŭčynili bojku z patrulnymi milicyjanierami.
Jak paviedamili ŭ adździaleńni infarmacyi i hramadskich suviaziaŭ UUS Minskaha abłvykankama, 17 sakavika dva žychary Dziaržynska 30 i 25 hadoŭ adpačyvali ŭ restaranie «Dziaržynski» ŭ kampanii znajomych dziaŭčat.
Starejšy ź ich kiruje STA, jakaja naležyć jaho baćku, a małodšy pracuje hałoŭnym inžynieram u miascovaj firmie.Pryblizna apoŭnačy siabry ŭ supravadžeńni dziaŭčat vyjšli na vulicu.
Zaŭvažyŭšy niepadalok naradZatym patrulnych staŭ źnievažać i jaho siabar.patrulna-pastavoj słužby milicyi (PPSM), adzin z mužčyn niečakana staŭ śvistać i niecenzurna vykazvacca na adras milicyjanieraŭ.
Padyšoŭšy, milicyjaniery PPSM ubačyli, što mužčyny jaŭna nieadekvatnyja i nie prosta parušajuć hramadski paradak, ale i hruba źnievažajuć pradstaŭnikoŭ ułady. Jany zapatrabavali spynić supraćpraŭnyja pavodziny i pakazać dakumienty. U adkaz pačuli admovu ŭ niecenzurnaj formie i pahrozy fizičnaj raspravy.
Pry zatrymańni chulihany akazali supraciŭleńnie i ŭčynili bojku, padčas jakoj milicyjanieram byli naniesieny cialesnyja paškodžańni i parvana ich forma.Dziaŭčaty pasprabavali ŭtajmavać siabroŭ, a potym stali klikać dapamohu. Prachožyja dapamahli zatrymać chulihanaŭ. Tym časam padjechaŭ jašče adzin narad PPSM, i na mužčyn udałosia nadzieć naručniki. Miedycynski ahlad pakazaŭ, što zatrymanyja znachodziacca ŭ stanie mocnaha ałkaholnaha apjanieńnia.
Dziaržynskim rajonnym adździełam Śledčaha kamiteta ŭ dačynieńni da chulihanaŭ raspačata sprava na padstavie č. 2 art. 363 KK (supraciŭleńnie supracoŭniku orhanaŭ unutranych spraŭ abo inšaj asobie, jakaja achoŭvaje hramadski paradak).
Ciapier čytajuć
Zahinuŭ biełaruski dobraachvotnik Alaksiej Łazaraŭ8
Kamientary