Biełaruś i Rasija ŭnifikujuć normy ŭtrymańnia radyjenuklidaŭ u charčovych praduktach
Pra heta paviedamiŭ namieśnik načalnika departamienta pa likvidacyi nastupstvaŭ katastrofy na Čarnobylskaj AES Ministerstva pa nadzvyčajnych situacyjach Mikałaj Cybulka 23 krasavika na pres-kanfierencyi ŭ Minsku.
Pavodle jaho słoŭ, heta praduhledžana kancepcyjaj prahramy sumiesnaj dziejnaści pa pieraadoleńni nastupstvaŭ avaryi na ČAES u miežach Sajuznaj dziaržavy, jakaja raźličana na 2013—2016 hady.Nieabchodnaść unifikacyi norm utrymańnia radyjenuklidaŭ tłumačycca tym, što krainy ŭvachodziać u Mytny sajuz.
Jak adznačyŭ Cybulka, za asnovu płanujecca ŭziać narmatyvy, jakija dziejničajuć u Biełarusi, — bolš žorstkija, čym rasijskija. Tak, kali narmatyvy pa ŭtrymańni ceziju ŭ asnoŭnych praduktach u Biełarusi i Rasii hałoŭnym čynam adnolkavyja, to pa ŭtrymańni stroncyju ŭ Rasii narmatyvy «značna miakčejšyja», rastłumačyŭ jon.Tak, u Rasii dapuskajecca ŭtrymańnie 25 Bk/kh stroncyju ŭ chlebie i małace, 20 Bk/kh — u dziciačym charčavańni, tady jak u Biełarusi miežavyja dapuščalnyja normy składajuć 3,7 Bk/kh stroncyju ŭ chlebie i małace, 1,85 Bk/kh — u dziciačym charčavańni. Takim čynam, kali dla ŭnutranaha rynku biełaruskija pradpryjemstvy vypuskajuć pradukcyju, prytrymlivajučysia bolš žorstkich norm, to ŭ miežach Mytnaha sajuza realizujecca pradukcyja i z bolš vysokim utrymańniem stroncyju. «My robim bolš žorstkimi narmatyvy. Pradukcyja budzie značna čyściejšaja — u 10 raz pa małace i chlebie», — skazaŭ Cybulka.
U kancepcyi novaj sajuznaj prahramy, jakuju płanujecca pryniać najbližejšym časam, vialikaja ŭvaha nadadziena miedycynskamu zabieśpiačeńniu nasielnictva na terytoryjach, paciarpiełych ad avaryi na ČAES.«Płanujem źviarnuć surjoznuju ŭvahu na dziciačyja azdaraŭlenčyja reabilitacyjnyja centry», — skazaŭ pradstaŭnik MNS. Pavodle jaho słoŭ, dzieviać z 13 isnych centraŭ patrabujuć surjoznaha palapšeńnia ŭmoŭ.
Miarkujecca taksama ŭnifikacyja navukova-mietadyčnaj bazy pa arhanizacyi sielhasvytvorčaściaŭ, raźvićci lasnoj haspadarki.Praduhledžany supraćpažarnyja mierapryjemstvy na paciarpiełych terytoryjach, asabliva ŭ Branskaj vobłaści Rasii i Homielskaj vobłaści Ukrainy. Akramia taho, zapłanavany mierapryjemstvy pa infarmavańni nasielnictva, jaho sacyjalna-psichałahičnaj reabilitacyi.
Jak paviedamiŭ Cybulka, zapłanavany biudžet sajuznaj prahramy składaje 1 młrd. 200 młn. rasijskich rubloŭ, ź ich 46% vydzielić Biełaruś.
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy13
Kamientary