«Rasijskaja hramadskaść Viciebska» vystupiła suprać pomnika kniaziu Alhierdu
Krytyčnyja zaŭvahi źjavilisia paśla taho, jak była abvieščana kankretnaja data jaho adkryćcia — 26 červienia 2013.
Praz 5 hadoŭ paśla prapanovy abłasnoj administracyi ŭstalavać u Viciebsku pomnik kniaziu Alhierdu raptam aktyvizavałasia «rasijskaja hramadskaść» — pryniata rašeńnie źviarnucca da ŭładaŭ, kab hetaha pomnika nie było.
«Rasijskaja hramadskaść», jakaja pratestuje suprać ustalavańnia pomnika kniaziu Alhierdu — heta «aktyvisty šerahu arhanizacyj rasijskich suajčyńnikaŭ, pradstaŭnikoŭ palityčnych partyj, kazactva, pravasłaŭnaj hramadskaści i vieteranaŭ vajny ŭ Aŭhanistanie», pieradaje ahienctva REGNUM.
Kniazia Alhierda jany ličać «litoŭskim kniaziem, znakamitym najpierš uciskam i zabojstvami jaho pravasłaŭnych sučaśnikaŭ, ździajśnieńniami šmatlikich vajskovych pachodaŭ na Maskvu». Tamu vyrašana źviarnucca da ŭładaŭ, jakija nibyta padtrymali inicyjatyvu, «vysunutuju idejnymi apanientami».Bo «ŭstalavańnie hetaha pomnika napiaredadni praviadzieńnia fiestyvala „Słavianski bazar u Viciebsku“ pryviadzie tolki da paharšeńnia imidžu Biełarusi ŭ Rasii».
Krytyčnyja zaŭvahi nakont ustalavańnia pomnika kniaziu Alhierdu ad imia «rasijskaj hramadskaści Viciebsku» źjavilisia paśla taho, jak była abvieščana kankretnaja data jaho adkryćcia — 26 červienia 2013 hodu, heta tradycyjny «Dzień horada», prymierkavany da ŭhodkaŭ vyzvaleńnia Viciebska padčas Vialikaj Ajčynnaj vajny (26 červienia 1944 h.)
Miž tym, pomnik kniaziu Alhierdu musili ŭstalavać u Dzień horada jašče ŭ 2012 hodzie. Tady viałosia pra ŭstanoŭku i jašče dvuch pomnikaŭ u Viciebsku — lehiendarnaj kniahini Volzie i Alaksandru Nieŭskamu.Adnak jašče padčas abmierkavańnia prajektaŭ pomnikaŭ viciebskaja hramadskaść nie padtrymała ideju ŭšanavańnia apošnich dvuch asobaŭ: Alaksandar Nieŭski nie maje pramoha dačynieńnia da historyi horadu, a kniahinia Volha źjaŭlajecca zasnavalnicaj Viciebsku tolki pavodle adnoj ź lehiendaŭ, jakaja, da ŭsiaho, supiarečyć realnym histaryčnym faktam.
Takim čynam, byŭ zaćvierdžany tolki pomnik kniaziu Alhierdu, synu vialikaha kniazia litoŭskaha Hiedymina, jaki pabraŭsia z dačkoj viciebskaha kniazia Jarasłava i staŭ jahonym nastupnikam. I toj prajekt niekalki razoŭ dapracoŭvaŭsia, pierš čym uvasobicca ŭ žyćcio.
Dla pomnika ŭžo zrobleny pastamient — nasuprać Uvaskrasienskaj carkvy. I ciapier heta — adzin z hałoŭnych arhumientaŭ «rasijskaj hramadskaści»: ahienctva REGNUM paviedamlaje navat pra najaŭnaść niejkich dakumientaŭ, «jakija śviedčać pra admoŭnaje staŭleńnie Biełaruskaj pravasłaŭnaj carkvy da płanaŭ viciebskich uładaŭ».Zatoje ŭstalavańnie pomnikaŭ Alaksandru Nieŭskamu i kniahini Volzie vitajecca «rasijskaj hramadskaściu», ale realizacyja hetych płanaŭ nibyta była «adkładziena viciebskimi ŭładami na niapeŭny termin pad ciskam prazachodniaj apazicyi».
Abmierkavańnie pratestu «rasijskaj hramadskaści aktyŭna viadziecca na internet-sajcie «Narodnyja Naviny Viciebsku». Aŭtary dopisaŭ zhadvajuć, što niadaŭniaje ŭstalavańnie pomnika byłomu patryjarchu Maskoŭskamu i ŭsiaje Rusi Alaksiju II na miescy zahuby ŭnijackaha śviatara, śviatoha Jazafata Kunceviča ŭvohule pravodziłasia biez anijakaha abmierkavańnia hramadskaściu.
A niekatoryja ličać, što zvarot «rasijskaj hramadskaści» moža stacca padstavaj dla taho, kab viciebskija ŭłady admovilisia ad idei ŭstalavańnia pomnika kniaziu Alhierdu, darečy, padtrymanaj kolki hod tamu i Alaksandram Łukašenkam.
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary