Pažar zdaryŭsia ŭ vioscy Amłyncy Niaśvižskaha rajona 6 maja kala 23:00.
Pažarnyja, jakija prybyli da miesca zdareńnia paśla 23:00, pabačyli, što budynak hareŭ adkrytym połymiem, abrynuŭsia dach. Pažar byŭ likvidavany ŭ 0.35.
Trahiedyi paźbiehnuć nie ŭdałosia:
zahinuli dziaŭčatki 2006 i 2008 hoda naradžeńnia, chłopčyk 2010 naradžeńnia, ich maci 1983 hoda naradžeńnia.Baćka byŭ na pracy. Siamja charaktaryzavałasia sa stanoŭčaha boku, u 2012 h. prymała ŭdzieł u rajonnym konkursie šmatdzietnych siemjaŭ.
U vyniku pažaru dom całkam vyharaŭ znutry, źniščany dach, zhareŭ taksama chleŭ, paškodžany aŭtamabil.
Vyśviatlajucca pryčyny trahiedyi, razhladajecca adrazu niekalki viersij:karotkaje zamykańnie elektrapravodki, pakinutyja biez nahladu ŭklučanyja elektraprybory, dziciačaje svavolstva z ahniom i navat padpał.
Kamientary