Žytło, jakoje zastaniecca niepryvatyzavanym za hod, piarojdzie ŭ razrad kamiercyjnaha
U Biełarusi raspracavany prajekt ukaza, jaki praduhledžvaje pieravod žyłych pamiaškańniaŭ, dadzienych hramadzianam na padstavie dahavoraŭ najmu, a taksama słužbovaha i śpiecyjalnaha žylla ŭ razrad kamiercyjnaha. Pra heta paviedamiŭ ministr
Pavodle jaho słoŭ, prajekt ukaza znachodzicca «na stadyi nakiravańnia kiraŭniku dziaržavy».
Jak adznačyŭ ministr, takoha žylla ŭ Biełarusi 392 tysiačy kvater, ci 14% ad ahulnaj kolkaści. «Heta žyllo hramadzianie majuć prava pryvatyzavać, i na siońnia jašče 182 tysiačy hramadzian majuć na rukach čeki „Žyllo“, jakija mohuć nakiravać na pryvatyzacyju», — skazaŭ Šorac.
Pavodle jaho słoŭ, prajekt ukaza praduhledžvaje, što na praciahu hoda paśla pryniaćcia dakumienta hramadzianie buduć mieć prava pryvatyzavać žyllo. Kali jany admoviacca ad pryvatyzacyi ciz-za niejkich pryčyn nie zmohuć jaje ažyćciavić, žyllo budzie pieraviedziena ŭ razrad arendnaha žylla kamiercyjnaha karystańnia.
Kali hramadzianie buduć nie hatovyja płacić za karystańnie im, to jano budzie pieraviedziena ŭ žyllo sacyjalnaha karystańnia.
7 maja na cyrymonii pačatku budaŭnictva žyłoha kompleksu dla navukovaj i tvorčaj intelihiencyi «Mahistr» u Minsku Alaksandr Łukašenka zajaviŭ, što košt najmu arendnaha žylla pavinien być nie nižejšym za 50% ad rynkavaha.
«Heta pryncypova dla ŭsich. Arendnaje žyllo nie moža być tańniejšym za 50% rynkavaha koštu, ale i daražejšym my nie budziem rabić», — skazaŭ jon. Razam z tym Łukašenka padkreśliŭ, što dla peŭnych katehoryj hramadzian budzie praciahnuta budaŭnictva sacyjalnaha žylla: «Heta, napeŭna, vajennyja ludzi i, samaje hałoŭnaje, šmatdzietnyja siemji. My im budziem surjozna dapamahać, tamu što heta naš hałoŭny pryjarytet. U astatnim budziem dzieści trochi dapamahać, ale my pierachodzim da arendnaha žylla, jak žyvie ŭvieś śviet».
-
Biełarus zrabiŭ vintažny ramont u 178‑hadovaj kvatery ŭ styli «babušatnik» i robić na joj biznes. Pahladzicie, jak vyjšła
-
«Žorstki łoft». U «Minsk-Śviet» zdajuć studyju z hołymi ścienami — ludzi šakavany canoj
-
U Hrodnie pradajuć kvateru z krutym vidam na Farny kaścioł i Savieckuju płošču. Cana taksama ŭražvaje
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ2
Kamientary