Zamiežnyja investary ŭžo prapanavali svaje pasłuhi biełaruskamu ŭradu. Adnak siarod uradoŭcaŭ pakul niama adzinaha bačańnia perspektyvaŭ raźvićcia pivavarnaj haliny.
U vieraśni ŭrad planuje razhledzieć prapanovy pa dalejšym raźvićci pivavarnaj haliny, piša hazeta «Biełorusy i rynok». Adnak pakul nieviadoma, u jakim farmacie adbudziecca razhlad hetych pytańniaŭ. Pavodle vydańnia, va ŭradzie niama pakul ahulnaj kancepcyi raźvićci hetaj haliny datyčna mahčymaściaŭ jaje pryvatyzacyi. Tym nie mienš, jość razumieńnie nieabchodnaści pryciahnieńnia naŭprostavych investycyjaŭ dla raźvićcia haliny. Ajčynnych pivavaraŭ u pieršuju čarhu chvaluje rost kankurencyi z boku Rasiei dy Ŭkrainy. Jany nia bačać roźnicy ŭ tym, chto budzie investavać srodki ŭ raźvićcio vytvorčaści. Čynoŭnikaŭ niepakoić nieabhruntavany rost impartu, u tym liku i piva, što vyklikaje admoŭny rost źniešniehandlovaha salda.
Na siońnia svaje pasłuhi biełaruskamu boku prapanavali Heineken, Baltic Beverages Holding AB (BBH), investhrupa Detroit Investment Ltd., SABMiller i kampanija Group Soufflet. Apošniaja cikavicca mahčymaściu pryvatyzavać «Biełsoład», Heineken — razhladaje mahčymaść ukłaści srodki ŭ AAT «Bieraściejskaje piva» dy «Lidzkaje piva».
Kamientary