U Połacku abviaścili žałobu pa žančynach-miedykach i admianili haradskoje śviata
U suviazi z trahičnaj hibiellu ŭ aŭtakatastrofie žančyn-miedykaŭ 25 maja ŭ Połacku i Połackim rajonie Viciebskaj vobłaści abvieščany Dzień žałoby.
Pra heta paviedamlaje sajt Połackaha rajvykankama, pryniata rašeńnie pra admienu praviadzieńnia śviatočnych mierapryjemstvaŭ, pryśviečanych Dniu horada.
Nahadajem, trahiedyja adbyłasia ranicaj 23 maja.
23 maja 2013 hoda trahična zahinuli zahadčyk terapieŭtyčnaha adździaleńnia Centralnaj haradskoj balnicy Hudkova Natalla Dźmitryjeŭna, zahadčyk kardyjałahičnaha adździaleńnia haradskoj balnicy № 1 Kazačenka Iryna Ivanaŭna, zahadčyk terapieŭtyčnaha adździaleńnia Centralnaj haradskoj palikliniki Jarmak Valancina Michajłaŭna, zahadčyk Varonickaj balnicy siastrynskaha dohladu Asovik Alena Jaŭhienaŭna.
Połacki rajonny vykanaŭčy kamitet i Połacki rajonny Saviet deputataŭ hłyboka smutkujuć u suviazi z trahičnaj śmierciu miedycynskich rabotnikaŭ i vykazvajuć hłybokija spačuvańni rodnym i blizkim zahinuŭšych. 25 maja 2013 hoda ŭ h. Połacku i Połackim rajonie abvieščany Dzień žałoby, havorycca na sajcie rajvykankama.
Połacki rajvykankam admieniŭ praviadzieńnie śviatočnych mierapryjemstvaŭ, pryśviečanych Dniu horada.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary