Žurnalisty-łukašenkaŭcy ŭziali ŭdzieł u adnym sieminary ź niezaležnymi — pad ehidaj ABSIE
Z hetaha mierapryjemstva raspačała svoj vizit u Minsk pradstaŭnica ABSIE pa pytańniach svabody ŚMI Duńja Mijatavič.
U svaim vitalnym słovie spn. Mijatavič vykazała zadavolenaść tym, što ŭdzieł u pracy sieminaru biaruć pradstaŭniki jak adnaho, tak i druhoha boku. Sapraŭdy, heta redki vypadak u biełaruskich umovach. Zvyčajna łukašenkaŭcy paźbiahajuć lubych kantaktaŭ ź inšadumcami. Apošnija takija sustrečy mieli miesca ŭ časie adlihi 2008—2010 hadoŭ.
Aproč hetaha Mijatavič jašče raz padkreśliła svaju pryncypovuju pazicyju adnosna cenzury ŭ internecie. «Svaboda ŭ sietcy internet abmiarkoŭvajecca siońnia va ŭsich krainach śvietu. Internet vyznačaje toje, jak my budziem razmaŭlać pamiž saboj u bližejšyja dziesiacihodździ. Mienavita tamu ŭ hetaj halinie nielha rabić pamyłak i niapravilnych krokaŭ. Mienavita tamu
Udzieł u pracy sieminara «
Naprykancy svajho vystupleńnia pradstaŭnica ABSIE pa pytańniach svabody ŚMI vykazała spadziavańnie, što ŭ chutkim časie zdoleje znoŭ pryjechać u Biełaruś.
Paśla sieminara spn. Mijatavič u siadzibie Biełaruskaj asacyjacyi žurnalistaŭ (BAŽ) spatkałasia z žurnalistami, jakija zaznali represii abo atrymali papiaredžańni za svaju dziejnaść. Siarod ich byli Andrej Pačobut, a taksama žurnalisty «Narodnaj voli», časopisa «Arche», radyjo «Svaboda», telekanała «Biełsat».
Staršynia BAŽ Žanna Litvina vykazała spadziavańnie, što prablemy, pra jakija žurnalisty paviedamili hości z ABSIE, buduć uzdymacca na sustrečach pradstaŭnicy ź biełaruskimi čynoŭnikami.
Apošni raz Duńja Mijatavič naviedvała Biełaruś u kastryčniku 2010 hoda. Jana taksama chacieła pryjechać u Minsk adrazu paśla žorstkaha razhonu akcyi pratestu suprać aficyjnych vynikaŭ prezidenckich vybaraŭ. Mijatavič dvojčy źviartałasia ź listami da Siarhieja Martynava (u toj čas — ministr zamiežnych spraŭ Biełarusi) z prośbaj dapamahčy arhanizavać jaje vizit u Minsk, adnak reakcyi na jaje listy nie było. Uvieś hety čas Mijatavič nieadnarazova krytykavała aficyjny Minsk za situacyju sa svabodaj słova.
Ciapier čytajuć
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach4
Kamientary