Kamientar ad imia Pradstaŭnictva ES: udakładnieńnie źviestak pra Jeŭrapiejski fond u padtrymku demakratyi
«Naša Niva» atrymała z Pradstaŭnictva Jeŭrasajuza ŭ Biełarusi nastupny list.
U artykule pra Jeŭrapiejski fond u padtrymku demakratyi, jaki źjaviŭsia na sajcie «Našaj Nivy» 28 maja, jość farmuloŭka, jakaja vymahaje ŭdakładnieńnia, pišuć nam z Pradstaŭnictva. I pryvodziać cytatu: «Raniejšyja prahramy dapamohi ES, naprykład, TASIS, byli abmiežavanyja nieabchodnaściu ŭzhadniać kirunki i formy dapamohi z uradam krainy, u vyniku čaho dapamoha ŭ realnaści mahła iści tolki na ekanamičnyja, ekałahičnyja i sacyjalnyja prajekty», — napisaŭ žurnalist.
U kamientary Pradstaŭnictva havorycca: «Jeŭrapiejski fond u padtrymku demakratyi nijakim čynam nie zamianiaje i nie admianiaje saboj dziejnaść EuropeAid — Hienieralnaha dyrektaratu Jeŭrapiejskaj Kamisii pa pytańniach raźvićcia i supracoŭnictva, jaki ažyćciaŭlaje prahramy ŭ metach raźvićcia ŭ krainach usiaho śvietu ŭ ciesnym supracoŭnictvie z uradami i niaŭradavymi arhanizacyjami hetych krain. Jeŭrapiejski Sajuz zabiaśpiečvaje bolš za pałovu suśvietnaha abjomu dapamohi ŭ metach raźvićcia i imkniecca da 2015 hoda pavialičyć abjom takoj dapamohi da 0,7% svajho vałavoha nacyjanalnaha dachodu. Pry hetym mienavita atrymalniki dapamohi vyznačajuć, jakaja padtrymka, u jakoj śfiery i kali im nieabchodnaja. Heta najvažniejšaja ŭmova pośpiechu supracoŭnictva ŭ metach raźvićcia, — padkreślivajuć u Pradstaŭnictvie. — Jeŭrapiejski Sajuz finansuje prajekty supracoŭnictva ŭ Biełarusi ŭ abjomie kala 100 miljonaŭ jeŭra, kali ŭličvać i rehijanalnyja prajekty, i tematyčnyja, i dziejučyja, i raspracoŭvać. Zhadanaja ž u artykule Prahrama TACIS (Prahrama techničnaha spryjańnia Sadružnaści Niezaležnych Dziaržaŭ) dziejničała z 1991-ha pa 2006 hady i z tych časoŭ joj na źmienu pryjšli inšyja stratehičnyja ramki supracoŭnictva.
Što tyčycca Jeŭrapiejskaha fondu ŭ padtrymku demakratyi, pra pačatak pracy jakoha było abvieščana 27 maja, to jon kirujecca ŭ svajoj dziejnaści pryvatnym pravam, maje svoj ułasny Statut i orhany kiravańnia, i, padtrymlivajučy inicyjatyvy, nakiravanyja na ŭmacavańnie demakratyi i viaršenstva prava ŭ krainach-susiedziach ES , moža prymać rašeńni biez uliku mierkavańniaŭ uradaŭ krain-susiedziaŭ».
Ad Redaktara. Dziakujem za ŭdakładnieńnie.
-
«Mnie kazali: ty havoryš jak kanadski emihrant». Siarhiej Šupa raskazaŭ pra Vilniu 90-ch, paraŭnańnie litoŭskaj litaratury ź biełaruskaj i adroźnieńni pamiž narodami
-
Łukašenka pavodzić siabie ŭ «makdonaldsie» jak u savieckaj stałoŭcy. I dumaje, što heta kruta
-
Pucin užo pavinšavaŭ Madžtabu Chamieniei, a Łukašenka nie. Čaho čakaje?
Ciapier čytajuć
Minski školnik praspaŭ prypynak. Ale kiroŭca aŭtobusa davioz jaho dadomu!3
Minski školnik praspaŭ prypynak. Ale kiroŭca aŭtobusa davioz jaho dadomu!
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary