Trymajuć u žaleznaj kletcy: u Viciebsku praciahvajecca sud nad Andrejem Hajdukovym — dzień druhi

Pavodle źviestak z cuda, u sudovaj zale jaho trymajuć u žaleznaj kletcy, -- paviedamlaje Radyjo Svaboda.

Pravaabaronca Pavał Levinaŭ i aktyvistka BCHD Taćciana Sieviaryniec 13 červienia mieli razmovu z staršynioj Viciebskaha abłasnoha suda Mikałajem Chamičonkam. Aktyvisty kažuć, što bačyli, jak u sudovaje pasiadžeńnie pa spravie Hajdukova vyklikali śviedak u milicejskaj formie.

Mikałaj Chamičonak pryznaŭ, što 12 červienia była zroblenaja pamyłka, kali ŭ infarmacyi ab pracesie nad Andrejem Hajdukovym nie było paznačana, što praces budzie zakryty i čamu pryniataje takoje rašeńnie. «Sudździa Urbanovič, jakaja viadzie praces, zakryła jaho na toj padstavie, što ŭ spravie fihurujuć niejkija dziaržaŭnyja sakrety», — paviedamiŭ P.Levinaŭ.

Praces nad Andrejem Hajdukovym adnaviŭsia kala 10-j ranicy, jon pa-raniejšamu zakryty. I navat tym, chto pryjšoŭ u sud na inšyja pasiadžeńni, zabaroniena pierasoŭvacca pa budynku samastojna.

***

U Viciebsku praciahvajecca sud nad 23-hadovym Andrejem Hajdukovym, jakoha vinavaciać u zdradzie dziaržavy.

Praces pačaŭsia ŭ sieradu, 12 červienia, u budynku abłasnoha suda Viciebska.

Napačatku ŭ zału suda nie prapuskali ni svajakoŭ, ni žurnalistaŭ. Bolš za toje, žurnalistam nieviadomyja ŭ cyvilnym aktyŭna zaminali vieści zdymki navat kala suda.

Ale jak raskazała karespandentu «NN» hramadskaja dziajačka Taćciana Sieviaryniec u druhoj pałovie dnia vyśvietliłasia, što ŭ zału suda zachodzić možna.

«Ja kala 3-j hadziny viarnułasia da suda, -- zaznačaje sp. Taćciana. — Zajšła ŭ budynak da dziažurnaha, spytała, ci idzie jašče sud. Toj adkazaŭ, što idzie». Žančyna na ŭsialaki vypadak pacikaviłasia, ci niama źmienaŭ i ci budzie sud zaŭtra adkrytym. «I tut padaje hołas toj achoŭnik, jaki vyhaniaŭ nas usich z budynku, byccam by nie čuje: «A jon i nie byŭ zakryty!» Ja aniamieła. «A čaho ž vy nas nie puścili ŭrańni?» — A chto vas nie puskaŭ?«raquo;.

Napiaredadni Taćciana Sieviaryniec atrymała ad Andreja Hajdukova list (raniejšyja nie prapuskalisia cenzuraj), u jakim chłopiec apisaŭ, u čym jaho vinavaciać: «Ja abvinavačvajusia ŭ tym, što moh pahražać nacyjanalnaj biaśpiecy, što charaktaryzujecca jak zamach na kanstytucyjny ład Respubliki Biełaruś; naviazvańnie Respublicy Biełaruś palityčnaha kursu, jaki nie adpaviadaje jaje nacyjanalnym intaresam. Charaktar mahčymaj škody moža vyražacca ŭ destabilizacyi sacyjalna-palityčnaj situacyi. U tym, što šukaŭ finansavańnie na svaju dziejnaść u fondzie pasolstva ZŠA (CRU ZŠA pa viersii KDB)».

* * *

23-hadovy Andrej Hajdukoŭ, jaki pracavaŭ apierataram na Navapołackim NPZ «Naftan», byŭ zatrymany 8 listapada 2012 hoda;

Pa art. 356 Kryminalnaha kodeksa (zdrada dziaržavie ŭ formie praviadzieńnia ahienturnaj dziejnaści) Hajdukovu pahražaje ad 7 da 15 hadoŭ pazbaŭleńnia voli.

Andrej Hajdukoŭ źjaŭlajecca lidaram niezarehistravanaha hramadskaha ab`iadnańnia «Sajuz maładych intelektuałaŭ» i aktyvistam arhkamiteta pa stvareńni partyi «Biełaruskaja chryścijanskaja demakratyja» (BCHD).

• 0
• 0
• 0
• 0
• 0
• 0
• 0
• 0