Biespracoŭnym minčukam buduć davać subsidyi na arhanizacyju ŭłasnaj spravy
Biespracoŭnyja žychary Minska mohuć atrymać subsidyju na adkryćcio ŭłasnaj spravy. Pra heta ŭ efiry prahramy «Havoryć i pakazvaje Minsk» na «Radyjo-Minsk» raskazaŭ staršynia Kamiteta pa pracy, zaniataści i sacyjalnaj abaronie Minharvykankama Piatro Šućko, paviedamlajuć «Minsk-Naviny».
Maksimalny pamier subsidyi składaje 5 400 rubloŭ. Atrymać jaje mohuć tolki hramadzianie, zarehistravanyja ŭ słužbie zaniataści jak biespracoŭnyja. Srodki vydzialajucca na padstavie damovy i nie padlahajuć viartańniu pry vykanańni jaje ŭmoŭ.
Subsidyja moža być vykarystanaja na nabyćcio instrumientaŭ, abstalavańnia, syraviny i materyjałaŭ, apłatu pasłuh i inšyja vydatki, źviazanyja z arhanizacyjaj ułasnaha biznesu.
Piatro Šućko adznačyŭ, što achvotnyja atrymać subsidyju taksama pavinny prajści navučalnyja kursy i pradstavić biznes-płan. Bolš padrabiaznuju infarmacyju možna atrymać va ŭpraŭleńni zaniataści nasielnictva pa adrasie: horad Minsk, vulica Bieraścianskaja, 20.
Kamientary