U 2012 hodzie Minkultury vydała 531 dazvoł na restaŭracyju abjektaŭ historyka-kulturnaj spadčyny
Sioleta, pa stanie na 1 červienia, vydadzieny 282 takija dazvoły. Pra heta paviedamiła namieśnik načalnika ŭpraŭleńnia pa achovie historyka-kulturnaj spadčyny i restaŭracyi Minkultury Aksana Smatrenka 18 červienia na pasiadžeńni kruhłaha stała ŭ Minsku.
Pavodle słoŭ śpiecyjalista, letaś ministerstva taksama vydała 648 dazvołaŭ na navukova-daśledčyja raboty dla praviadzieńnia restaŭracyi, na 1 červienia 2013 hoda — 324 dazvoły.
Jak zaznačyła zahadčyk siektara pa achovie historyka-kulturnaj spadčyny ŭpraŭleńnia Natalla Chvir, Minkultury pastajanna pravodzić pravierki i ahlady abjektaŭ historyka-kulturnaj spadčyny i praktyčna ŭ kožnym vypadku vyjaŭlaje parušeńni. Pa hetych faktach vynosiacca pradpisańni, u vypadku nievykanańnia jakich składajecca pratakoł ab administracyjnym pravaparušeńni. Kali ž ułaśnik budynka ŭsio roŭna nie likviduje parušeńni, da spravy moža padklučycca Hienieralnaja prakuratura.
Jak paviedamiŭ prakuror pa nahladzie za vykanańniem pryrodaachoŭnaha i ziamielnaha zakanadaŭstva Hienprakuratury Viktar Laŭša, pieravažnaja bolšaść skarhaŭ i zvarotaŭ pastupajuć ad Biełaruskaha dobraachvotnaha tavarystva achovy pomnikaŭ historyi i kultury. Pavodle jaho słoŭ, u bolšaści vypadkaŭ skarhi zakranajuć parušeńni paradku vydačy dazvołaŭ na praviadzieńnie restaŭracyjnych rabot, parušeńni rehłamientu zabudovy, adsutnaść prajektaŭ achoŭnych zon i h.d. Kryminalnyja spravy zavodziacca ŭ adzinkavych vypadkach, zaznačyŭ prakuror.
Usiaho ŭ Biełarusi zarehistravana 5.379 nieruchomych abjektaŭ materyjalnych historyka-kulturnych kaštoŭnaściaŭ, 77 — ruchomych, 79 — niemateryjalnych.
U Łahojsku piekar admaŭlajecca pradavać svoj chleb pakupnikam, u jakich jość sabaki84
Kamientary