Jaho vinavaciać u parušeńni patrabavańniaŭ previentyŭnaha nahladu (art. 421 KK).
U Pieršamajskim RUUS Miensku Vasilu Parfiankovu paviedamili, što suprać jaho pačataja čarhovaja kryminalnaja sprava pa artykule 421 za parušeńnie patrabavańniaŭ preventyŭnaha nahladu.
Vasil apavioŭ karespandentu Svabody, što 27 červienia, kali jon pryjechaŭ na čarhovaje adznačeńnie ŭ pastarunak, inspektar skazaŭ 28 červienia pryjści da śledčaha.
«Sa śledčym my doŭha nie razmaŭlali, bo nie było advakata. Ja skazaŭ, što biez advakata nijakich pakazańniaŭ davać nia budu. Jon papiaredziŭ, maŭlaŭ, maj na ŭvazie, što zaviedziena sprava. Śledčy skazaŭ, što pakul ja mahu być volnym. Skazaŭ, što, mahčyma, budzie vyklikać na nastupnym tydni. Skazaŭ, što jašče budzie apytvać maich baćkoŭ».
Vasil Parfiankoŭ byŭ ździŭleny, što suprać jaho znoŭ pačali kryminalny pieraśled:
«Na hety momant u mianie tolki dva parušeńni, a zvyčajna dla pačatku kryminalnaj spravy treba try parušeńni. Śledčy kaža, što dva parušeńni — heta ŭžo systema. I nibyta inspektar ubačyŭ u hetym padstavy dla taho, kab pačać spravu».
Vasil raskazaŭ pra svaje parušeńni: adzin raz jon vyjšaŭ u kramu, a druhi — krychu spaźniŭsia dadomu. A mienavita ŭ hety momant prychodzili milicyjanty.
Vidać, ja im nie patrebny na voli, chacia nijakich kryminalnych prablem ja im nie stvaraju
«U vyniku ja nia byŭ doma paśla 20 hadzinaŭ, chacia pavinien byŭ. Mnie nieadnarazova kazaŭ moj učastkovy inspektar, što kožnuju ranicu na planiorcy pytajucca, jak tam toj palityčny. Vidać, ja im nie patrebny na voli, chacia nijakich kryminalnych prablem ja im nie stvaraju. Nia viedaju, čamu jany za mianie tak uzialisia», — skazaŭ Vasil.
U traŭni hetaha hodu Pieršamajski sud Miensku pakaraŭ Vasila Parfiankova štrafam u 3 miljony rubloŭ za parušeńnie prafilaktyčnaha nahladu, jaki byŭ ustalavany za byłym palitviaźniem paśla adbyćcia paŭhoda aryštu ŭ Baranavickim aryštnym domie. Sudździa Jury Harbatoŭski, jaki j raniej sudziŭ Vasila Parfiankova, pryznaŭ, što 11 traŭnia toj parušyŭ umovy prafilaktyčnaha nahladu, bo ŭ viečarovy čas jaho nie było doma.
U kancy červienia ŭ byłoha palitviaźnia pavinien byŭ skončycca termin prafilaktyčnaha nahladu.
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod32
Kamientary