Nastaŭnikam dadajuć dźvie hadziny pracy na tydzień
Nakolki dziakujučy hetamu pavysicca zarobak, u Ministerstvie adukacyi pakul nie kažuć.
«Pakul miedyki i nastaŭniki nie pačnuć sami siabie aptymizavać, nijakich vysokich zarobkaŭ nie moža być. My ž damovilisia ź piedahohami: 18 hadzinaŭ na tydzień staŭka. Nu, a kali padciahnucca i zrabić 20, nu zrabicie krok nasustrač», — kazaŭ Alaksandr Łukašenka ŭ Pasłańni da naroda.
Praz try miesiacy Ministerstva adukacyi adreahavała. Staŭka budzie 20 hadzinaŭ na tydzień.
Heta paćviardžajuć u Minadukacyi: «Z 18 da 20 hadzinaŭ. Miarkuju, naprykancy hetaha tydnia ci ŭ pačatku nastupnaha buduć hatovyja dakumienty».
Atrymlivajecca, nastaŭnik musiŭ adpracavać 18 hadzinaŭ na tydzień, kab atrymać uvieś zarobak — staŭku. A ciapier treba pracavać bolš.
A pra padvyšeńnie zarobkaŭ nichto nie kaža, — adrazu havoryć nastaŭnica historyi Maryja ź Minsku.
«Kab ja bolej pracavała i atrymoŭvała stolki ž. Zarobak nie pavialičvajecca, tolki pavialičvajecca praca. A kali nie budu zabirać hetyja hadziny, płacić buduć mieniej.
Zaraz u mianie zarobak 2,8 miljona rubloŭ», — tłumačyć nastaŭnica.
U rajonach i miastečkach jašče horš: dziaciej nie chapaje, a staŭku pavyšajuć. Ciapier nastaŭniki buduć bicca za hadziny, kab ich chapiła na zarobak.
«U nas, kab nabraŭsia kłas, buduć kłasy abjadnoŭvać, bo treba, kab było 20 čałaviek. I nastaŭniki buduć dzialić hadziny.A kali škoła małakamplektavanaja, naprykład, dva piedahohi i pamiž imi treba budzie dzialić hadziny. A staŭki nie chopić…», — kaža nastaŭnica ź Viciebskaj vobłaści.
I dadaje, što ciapier daviadziecca vydumvać dadatkovyja ŭroki:
«Pryjdziecca stvarać niejkija hurtki ci fakultatyvy, kab dabrać hetyja hadziny. A zarobak naŭrad ci ŭzdymuć…»
U administracyi staličnaj škoły zarobak nastaŭnikaŭ ličać dastatkovym.
«Pa listkach piedahohaŭ ja nie skažu, što heta samy nizki zarobak. Dobry zarobak!» — upeŭnivajuć u škole.
Pavodle Biełstatu, siaredni zarobak nastaŭnikaŭ za travień składaje 3 miljony 486 tysiač rubloŭ.Dla paraŭnańnia: siaredni zarobak pa Minsku za travień — bolš za 6 miljonaŭ rubloŭ.
Ciapier čytajuć
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ9
Kamientary