Šviedski meblevy mahazin Ikea adkryje svoj sałon u Vilni ŭžo chutka. Pavodle Delfi, dźviery hetaha handlovaha centra, jaki raźmieścicca niepadalok aeraporta (na vulicy Žyrniu), adčyniacca dla pakupnikoŭ 15 žniŭnia. Płanujecca, što krama budzie pracavać štodzionna z 10 da 20 hadziny.
Kamientaryj pradstaŭnikoŭ kampanii atrymać nie ŭdałosia. Miarkujecca, što kampanija, viadomaja svaimi markietynhavymi kampanijami, pasprabuje i hetym razam ździvić klijentaŭ.
Jak užo paviedamlałasia, pracy ŭ budynku płoščaj 26 000 kvadratnych mietraŭ skončany. Pobač z meblevaj kramaj budzie dziejničać restaran šviedskaj kuchni, u nievialikaj kramie možna budzie kupić šviedskija pradukty.
Pa dadzienych sajta rekvizitai.lt, ciapier na pradpryjemstvie pracaŭładkavany 141 čałaviek. Raniej paviedamlałasia, što da adkryćcia kampanija ŭ Litvie stvoryć 200 pracoŭnych miescaŭ.
Kamientary