Va ŭzroście 83 hadoŭ (29.06.1930) pamior viadomy polski piśmieńnik Słavamir Mrožak.Jon byŭ aŭtaram satyryčnych apaviadańniaŭ i dramatyčnych tvoraŭ. Z 2008 hoda jon žyŭ u francuzskaj Nicy.
Słavamir Mrožak debiutavaŭ u jakaści karykaturysta ŭ 1950 h., a ŭ 1953 h. apublikavaŭ sieryju malunkaŭ. U toj ža čas vypuściŭ pieršy zbornik apaviadańniaŭ.
Pieršaja pjesa Mrožaka vyjšła ŭ 1958 hodzie, a pjesa «Tanha» 1964 hoda robić dramaturha suśvietna viadomym. U 1963 h. Mrožak emihruje z Polščy ŭ ZŠA, paśla ŭ Francyju, zatym u Mieksiku.
Biełaruś, jak i inšyja krainy Uschodniaj Jeŭropy, trapiła pad mocny upłyŭ Mrožaka, jaki staŭ pieršym dramaturham-absurdystam, čyje pjesy pastavili ŭ SSSR.
U 1996 h. Mrožak viarnuŭsia ŭ Polšču. U 2002 hodzie pieražyŭ insult, što pryviało da straty maŭleńnia. Z dapamohaj terapii, jakaja praciahvałasia kala troch hadoŭ, viarnuŭ sabie zdolnaść pisać i razmaŭlać.
U 2008 h. vyjechaŭ z Polščy ŭ Francyju. Pa jaho słovach, u Nicy byŭ bolš spryjalny klimat, paviedamlaje Wyborcza.pl
«Mrožak nabliziŭ kamunistyčny teatr da suśvietnych standartaŭ, heta byŭ sapraŭdny praryŭ, — raskazvaje teatraznaŭca Viačasłaŭ Rakicki, jaki pierakłaŭ niekalki pjes Mrožaka.
— Hałoŭnaj temaj u jahonaj tvorčaści było ŭvarvańnie ŭłady ŭ asabistuju prastoru čałavieka. U kamunistyčnym teatry, zrazumieła, takaja tema nie zakranałasia».
«Mienavita ź jahonym imiom źviazana ŭźniknieńnie studyjnaha teatralnaha ruchu ŭ 80‑ia hady. — kaža Rakicki. — Mrožak i Ruževič nazaŭždy źmianili abličča biełaruskaha teatra, adnoj z tych pieršych pastanovak staŭ «Stryptyz», jaki pastaviŭ Ryd Talipaŭ u svaim teatry-studyi ŭ sutareńniach na płoščy Pieramohi.
Mrožaka staviŭ Mikałaj Pinihin — u Hrodzienskim teatry lalek. Teatr imia Janki Kupały pastaviŭ «Dom na miažy» ŭ maim pierakładzie — pjesu pra toje, jak ułada kantraluje čałavieka, dzie b jon nie znachodziŭsia: za stałom, u łožku. Heta była nadzvyčaj aktualnaja pastanoŭka.
Tady biełaruski teatr dziakujučy Mrožaku zrabiŭ sapraŭdny praryŭ — ad tradycyjnaha realizmu, da intelektualnaha teatra, teatra paradoksu.
Da taho ž dla Biełarusi vielmi važny publicystyčny kantekst u tvorach Mrožaka — jahonyja pastanoŭki stali sapraŭdnym teatralnym pratestam».
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Kamientary