Niajasna, ci toje praŭda, ci to kačka, kab jašče bolš abvalić kurs akcyj kampanii, jakija Kierymaŭ akurat skuplaŭ.
Kampanija «Urałkalij» u niadzielu admoviłasia kamientavać infarmacyju ab mahčymym vychadzie miljardera Sulejmana Kierymava sa składu akcyjanieraŭ kampanii.
Raniej advakat Alaksandr Dabravinski na svajoj staroncy ŭ Facebook paviedamiŭ sa spasyłkaj na krynicu, što Kierymaŭ «6 vieraśnia pradaŭ vialiki pakiet akcyj (kali nie ŭsie svaje akcyi) u kampanii «Urałkalij», niejkamu bankiru K.», vykazaŭšy zdahadku, što hetym bankiram źjaŭlajecca Uładzimir Kohan, były saŭładalnik Pramysłova-budaŭničaha banka Sankt -Pieciarburha i namieśnik ministra rehijanalnaha raźvićcia.
«Nie kamientujem», - paviedamili ahienctvu «Prajm» u pres-słužbie kampanii. Jak praviła, «Urałkalij» nie kamientuje dziejańni svaich akcyjanieraŭ.
Pradstaŭniki Kierymava i Uładzimira Kohana nie byli dasiahalnyja dla kamientaroŭ. Dabravinski, jaki nie źviazany z kampanijaj, apisaŭ svaju krynicu jak «surjozny infarmacyjny resurs, jaki nikoli nie padvodziŭ». Jon taksama skazaŭ, što uhoda «składałasia da poŭnaha zadavalnieńnia abodvuch bakoŭ».
«Urałkalij» apynuŭsia ŭ centry mižnarodnaha skandału paśla taho, jak hienieralny dyrektar kampanii Uładzisłaŭ Baŭmhiertnier byŭ zatrymany ŭ mienskim aeraporcie 26 žniŭnia paśla sustrečy z premjer-ministram Biełarusi Michaiłam Miaśnikovičam, a sam Kierymaŭ abvieščany ŭ mižnarodny vyšuk. Baŭmhiertnieru pradjaŭlenaje abvinavačvańnie ŭ złoŭžyvańni ŭładaj i słužbovymi paŭnamoctvami ŭ ramkach kryminalnaj spravy ab dziejnaści Biełaruskaj kalijnaj kampanii.
Miesiacam raniej, 30 lipienia, «Urałkalij» abviaściŭ ab spynieńni ekspartnych prodažaŭ praź Biełaruskuju kalijnuju kampaniju.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary