17 vieraśnia sudovaja kalehija pa kryminalnych spravach Viarchoŭnaha suda Biełarusi razhledzieła kryminalnuju spravu pa kasacyjnych skarhach asudžanaha na śmiarotnuju karu Hrodzienskim abłasnym sudom 12 červienia Paŭła Sieluna. Prysud pakinuty bieź źmianieńnia.
Tam nahadali, što Hrodzienski abłasny sud pryznaŭ vinavatym 23-hadovaha Paŭła Sieluna ŭ naŭmysnym zabojstvie dźviuch asob, učynienym z asablivaj žorstkaściu (pp. 1, 6 č. 2 art. 139 KK), ździeku z trupa (č. 1 art. 347 KK), tajnym vykradańni majomaści (č. 1 art. 205 KK) i kradziažy ŭ hramadzianina pašparta i inšaha važnaha dakumienta (art. 378 KK). Za zabojstva dźviuch asob, a taksama pa sukupnaści złačynstvaŭ sud pryhavaryŭ Sieluna da vyklučnaj miery pakarańnia.
Jak paviedamlałasia raniej, złačynstva było ŭčynienaje 5 žniŭnia 2012 hoda ŭ Hrodnie, kali supracoŭniki milicyi znajšli sa množnymi kołata-rezanymi ranami ŭ vobłaści šyi, śpiny i žyvata trup žančyny 1991 hoda naradžeńnia, žycharki Žłobina.
Pry praviadzieńni dalejšaha ahladu doma kala padjezda ŭ kantejniery dla śmiećcia byŭ znojdzieny rasčlenieny trup jašče adnaho čałavieka — chłopca 1989 hoda naradžeńnia, haspadara kvatery, dzie adbyłosia zabojstva.
Va ŭčynieńni złačynstva byŭ pryznany vinavatym muž zabitaj žančyny — žychar Vilejki 1990 hoda naradžeńnia. Matyŭ złačynstva — reŭnaść. Mužčyna byŭ zatrymany 7 žniŭnia ŭ ciahniku Hrodna — Baranavičy.
Hladzi taksama: Maci asudžanaha da rasstrełu: «Chaču vyratavać syna ad śmierci»
Ciapier čytajuć
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»9
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1212
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch12
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1111
Kamientary