Pa fakcie atručvańnia školnikaŭ u Mazyry raspačata kryminalnaja sprava pavodle artykuła «Parušeńnie sanitarna-epidemijałahičnych praviłaŭ, što paciahnuła pa nieaściarožnaści zachvorvańnie ludziej». Pravodzicca rasśledavańnie, paviedamiła aficyjny pradstaŭnik Śledčaha kamiteta Respubliki Biełaruś Julija Hančarova.
Nahadajem, što ciaham druhoj pałovy dnia čaćviarha i nočy piatnicy ŭ Mazyry ŭ haradskuju balnicu z charčovymi atručvańniami byŭ dastaŭleny 71 školnik. Dzieciam ź lohkaj formaj atručvańnia zrabili pramyvańnie i adpuścili dadomu.
Na ranicu piatnicy ŭ balnicy znachodzilisia 13 čałaviek, paviedamiŭ «Našaj Nivie» hałoŭny doktar Mazyrskaj haradskoj balnicy Siarhiej Hankovič.
Raniej paviedamlałasia, što na śniadanak u čaćvier, 19 vieraśnia, školniki jeli bulbianoje piure, advaranuju kaŭbasu, sałatu z aharodniny i hłazuravanyja syrki.
Uviečary mnohija dzieci adčuli bol u straŭniku i źviarnulisia pa miedycynskuju dapamohu.
Kp.by udakładniaje, što sapsavanymi byli pradukty, pryviezienyja ŭ navučalnyja ŭstanovy dziaržpradpryjemstvam «Školnaje charčavańnie».
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza9
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary