Alaksandar Milinkievič nakiravaŭ zaprašeńnie na Eŭrapiejski Marš «Za Svabodu» strašyni Eŭrapiejskaj kamisii, staršyni Eŭrapiejskaha parlamentu i kiraŭnikam eŭrapiejskich dziaržaŭ.
Lider demakratyčnych sił Biełarusi A.Milinkievič nakiravaŭ zaprašeńnie na Jeŭrapiejski Marš «Za Svabodu» strašyni Jeŭrapiejskaj Kamisii, staršyni Jeŭrapiejskaha parłamienta i kiraŭnikam jeŭrapiejskich dziaržavaŭ.
«My zaprašajem našych siabroŭ być z nami ŭ dzień praviadzieńnia Jeŭrapiejskaha maršu, pryjechać da nas 14 kastryčnika. My budziem udziačnyja za prajavu salidarnaści i padtrymku z Vašaha boku. Bolšaść biełarusaŭ z nadziejaj hladzić na Jeŭropu, čakaje narmalizacyi stasunkaŭ ź Jeŭrasajuzam», — havorycca ŭ zaprašeńni.
Lider demakratyčnych sił Biełarusi adznačyŭ važnaść hetaj padziei dla biełarusaŭ.
«Hety marš arhanizujuć demakratyčnyja siły Biełarusi z metaj prademanstravać žadańnie biełarusaŭ žyć u jeŭrapiejskaj siamji volnych narodaŭ. Heta budzie Marš dziela budučaj svabodnaj i jeŭrapiejskaj Biełarusi. Heta budzie pačatak našaha šlachu ŭ svabodnuju i abjadnanuju Jeŭropu.
Situacyja z pravami čałavieka i demakratyčnymi svabodami ŭ Biełarusi zastajecca vielmi napružanaj. Ad pačatku hoda sotni ludziej byli aryštavanyja, źbityja, praviali pa niekalki tydniaŭ u turmie za adstojvańnie svajoj hramadzianskaj pazicyi. Asablivy cisk ŭłady akazvajuć na moładź. Jość i nadzvyčaj aburalnyja vypadki represijaŭ: aryšt aktoraŭ i hledačoŭ na śpiektakli «Volnaha teatru», aryšty padčas prezentacyi knihi, bardaŭskaha festu. Pry hetym ułady praciahvajuć zajaŭlać ab svajoj zacikaŭlenaści ŭ supracoŭnictvie ź Jeŭrapiejskim Sajuzam.
U hetaj situacyi nam vielmi važnaja cikavaść z boku suśvietnaj demakratyčnaj hramadskaści, krainaŭ Jeŭrasajuzu da padrychtoŭki i praviadzieńnia Maršu. Demakratyčnyja siły vystupajuć za vyklučna mirny charaktar demanstracyi i prapanujuć ŭładam uzajemadziejańnie, niahledziačy na rost represijaŭ i aryšty našych siabroŭ i kalehaŭ, niahledziačy na pavieličeńnie ličby palitźniavolenych u Biełarusi. My dumajem pra budučyniu Biełarusi i źviazvajem jaje ź Jeŭropaj», — adznačajecca ŭ zaprašeńni da jeŭrapiejskich lideraŭ».
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary