Za tydzień złavili ŭžo dva dziasiatki «paŭtornikaŭ», aŭtamabili buduć kanfiskavanyja
Z momantu ŭstupleńnia ŭ siłu zakona pa kanfiskacyi aŭto [24 kastryčnika] za pjanaje kiravańnie ŭžo zatrymanyja 15-20 «paŭtornikaŭ». Aŭtamabili, na jakich jany jechali niećviarozymi, miarkujučy pa ŭsim, buduć kanfiskavanyja.
Pra heta paviedamiŭ siońnia ministr unutranych spraŭ Ihar Šunievič, adkazvajučy siońnia, 31 kastryčnika, na pytańni parłamientaryjaŭ na sumiesnym pasiadžeńni pałataŭ.
Taksama Ihar Šunievič nahadaŭ, što MUS vystupiła ź inicyjatyvaj ab zabaronie svabodnaha abaračeńnia nasieńnia maku.
«Adpaviedny narmatyŭny dakumient nami ŭžo raspracavany, i praktyčna hod my jaho ŭzhadniajem i nie možam uzhadnić, — skazaŭ ministr.
— Kamuści nie padabajucca našy prapanovy, kamuści nie daspadoby sankcyi, jakija my prapanujem, narod praciahvaje ŭžyvać i hinuć.
…Kali my ŭ bližejšy čas zmožam pierałamać situacyju, i da vas pastupić zakonaprajekt, to prosim padtrymać jaho».
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary