Zdavałasia b, pieražyŭšy pieśniu paŭdniovakarejskaha repiera Psy pad nazvaj Gangnam Style, patančyŭšy varjacki Harlem Shake, čałaviectva musiła b supakoicca. Ale nie.
Novym virusnym chitom internetu stała pieśnia narviežskaha duetu Ylvis pad nazvaj The Fox, h.zn. «Lis». Sens jaje ŭ tym, što kožny viedaje huki, jakija sychodziać ad sabaki, kata albo słana. Ale jak "hučyć" lisica -- dakładna nieviadoma. Adzin z varyjantaŭ - Ring-ding-ding-ding-dingeringeding!
Ylvis – duet Borda i Vieharda Iłvisokieraŭ isnuje ŭžo bolej za dziesiać hod. Daścipnyja narviežskija komiki na radzimie sapraŭdnyja zorki – jany stvarajuć humarystyčnyja šou, pracujuć u varjete, vystupajuć ź simfaničnym arkiestram. Adnak, jak takoje časam zdarajecca, suśvietnaja papularnaść napatkała ich tam, dzie jaje nichto nie čakaŭ.
Pieśnia The Fox spačatku płanavałasia jak numar dla čarhovaha tok-šou. U vieraśni «Lis» trapiŭ na YouTube – kab pryciahnuć uvahu narviežskich telehledačoŭ. Za dva tydni rolik pahladzieła 45 miljonaŭ hledačoŭ.
Dla komikaŭ taki pośpiech staŭ sapraŭdnym šokam, popyt na tvorčaść dueta vyras u hieamietryčnaj prahresii – 189 miljonaŭ prahladaŭ, TOP-10 časopisa Billboard i cikavaść presy. Adrazu znajšlisia inšyja pieśni, nie takija pierśpiektyŭnyja jak «Lis», adnak taksama simpatyčnyja.
Navat pieśnia na rasiejskaj movie z ustaŭkami na kyrhyzskaj – Janym.
Pra paŭnavartasny albom Ylvis nie dumajuć – paabiacali paru sinhłaŭ, adzin ź jakich, Stonehenge, nabraŭ ścipłych 11 miljonaŭ prahladaŭ.
Internet-chity ad Ylvis vyhladajuć vielmi jakasnymi – jany, u adroźnieńni ad Gangnam Style, adpačatku pisalisia jak žart.
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary