Mižnarodny fiestyval chryścijanskich filmaŭ i teleprahram Magnificat-2013, jaki raniej byŭ pieraniesieny na niavyznačany termin z-za finansavych prablem, usio ž adbudziecca ŭ pačatku 2014 hoda.
Ab hetym paviedamiŭ režysior Juryj Haruloŭ, jaki źjaŭlajecca adnym z asnoŭnych arhanizataraŭ biełaruskaha chryścijanskaha kinaforumu.
Fiestyval było vyrašana pravieści 4-5 studzienia 2014 hoda.
«Jak raniej paviedamlałasia, my pieranosili fiestyval z-za finansavych prablem, ale ciapier udałosia znajści novaha sponsara. Suma hrošaj nie takaja vialikaja, ale my ŭsio ž taki vyrašyli nie hublać hety hod i pravieści Magnificat-2013», - rastłumačyŭ režysior. Jon taksama adznačyŭ, što paśla paviedamleńnia ab pieranosie fiestyvalu na niavyznačany termin pastupiła mnostva pisiem sa słovami padtrymki i spahady. «Vidać, usie malilisia za nas, kab usio było dobra, i Boh heta pačuŭ», - padkreśliŭ jon.
Juryj Haruloŭ dadaŭ, što Magnificat-2014 taksama projdzie ŭ 2014 hodzie, chutčej za ŭsio, vosieńniu. Pry hetym častka filmaŭ, jakija raniej zajaŭlalisia na 2013 hod, uvojduć u prahramu mienavita Magnificat-2014.
Apošnija hady Mižnarodny fiestyval chryścijanskich filmaŭ i teleprahram Magnificat prachodziŭ u vieraśni ŭ Minsku, a taksama Hłybokim i bližejšych nasielenych punktach.
U minułym hodzie na vośmym fiestyvali byli pradstaŭleny stužki z bolš čym 16 krain, u tym liku Bałharyi, Hiermanii, Hruzii, Kanady, Łatvii, Rasii, Ukrainy.
Patronam fiestyvalu vystupaje Kanfierencyja katalickich biskupaŭ Biełarusi, a zasnavany jon byŭ katalickaj asacyjacyjaj Signis-Belarus, studyjaj «Stop-kadr», a taksama Viciebskaj katalickaj jeparchijaj i časopisam «Dyjałoh».
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza9
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary