Administracyja prezidenta Biełarusi napisała list rabočym «Urałkalija»
Pytańnie ab vyzvaleńni hiendyrektara AAT «Urałkalij» Uładzisłava Baŭmhiertniera adnosicca da vyklučnaj kampietencyi orhanaŭ kryminalnaha pieraśledu.
Prah eta, jak paviedamlajecca na sajcie rasijskaj kampanii, havorycca ŭ adkazie Administracyi prezidenta Biełarusi pracoŭnamu kalektyvu akcyjaniernaha tavarystva na zvarot da kiraŭnika biełaruskaj dziaržavy z prośbaj pryniać miery da najchutčejšaha vyzvaleńnia Baŭmhiertniera. Adkaz padpisany načalnikam hałoŭnaha ŭpraŭleńnia Administracyi prezidenta pa rabocie sa zvarotami hramadzian i jurydyčnych asob Stanisłavam Buko.
Tekst raźmieščany na sajcie AAT «Urałkalij».
U adkazie Administracyi prezidenta Biełarusi ad 23 kastryčnika paviedamlajecca, što ŭ adpaviednaści z art. 119 KPK RB «na stadyi papiaredniaha rasśledavańnia miery strymańnia ŭ vyhladzie ŭziaćcia pad vartu, chatniaha aryštu i załohu mohuć prymianiacca prakuroram ci jaho namieśnikam abo staršynioj Śledčaha kamiteta Respubliki Biełaruś, staršynioj Kamiteta dziaržaŭnaj biaśpieki Respubliki Biełaruś, ci asobami, jakija vykonvajuć ich abaviazki, abo orhanam daznańnia ci śledčym z sankcyi prakurora ci jaho namieśnika.
Pry hetym admiena abo źmianieńnie orhanam daznańnia ci śledčym miery strymańnia, prymienienaj z sankcyi prakurora abo jaho namieśnika, dapuskajucca tolki sa zhody prakurora ci jaho namieśnika».
Administracyja prezidenta Biełarusi asabliva źviartaje ŭvahu na toje, što, zhodna z art. 27 KPK, «uździejańnie ŭ jakoj by tam ni było formie na orhan kryminalnaha pieraśledu z metaj pieraškody ŭsiebakovamu, poŭnamu i abjektyŭnamu daśledavańniu akaličnaściaŭ kryminalnaj spravy zabaraniajecca i ciahnie ŭstanoŭlenuju zakonam adkaznaść».
Nahadajem, Baŭmhiertnier byŭ zatrymany ŭ Minsku 26 žniŭnia.
U toj ža dzień Śledčy kamitet (SK) Biełarusi abjaviŭ pra raspačynańnie spraŭ pa č. 3 art. 424 KK (złoŭžyvańnie ŭładaj i słužbovymi paŭnamoctvami) u dačynieńni da šerahu słužbovych asob ZAT «Biełaruskaja kalijnaja kampanija», u tym liku staršyni nahladalnaha savieta BKK Uładzisłava Baŭmhiertniera.
Paśla zatrymańnia Baŭmhiertnier byŭ źmieščany ŭ SIZA KDB, 26 vieraśnia jaho pieraviali pad damašni aryšt.
Ciapier čytajuć
Što ŭ realnaści adbyłosia pad Smalavičami? Voś samaja łahičnaja pryčyna nalotu ašalełych rasijskich małaletak2
Kamientary