U Biełarusi ŭ 2014 hodzie płanujecca pavialičyć košt žyllova-kamunalnych pasłuh na 38%.
Heta praduhledžana prajektam aficyjnaha prahnozu sacyjalna-ekanamičnaha raźvićcia na budučy hod.
Pavodle acenak ekanamičnych uład, płaciažy za typavuju (dvuchpakajovuju) kvateru ŭ 2014 hodzie pavialičacca na 124,3 tys. rubloŭ, ci na 12,7 dalara, i składuć 450,9 tys. rubloŭ.
Takim čynam, u naminalnym vyražeńni košt žyllova-kamunalnych pasłuh płanujecca ŭ budučym hodzie pavialičyć na 38%.
Miarkujecca, što ŭ vyniku pavyšeńnia taryfaŭ uzrovień pakryćcia nasielnictvam koštu žyllova-kamunalnych pasłuh moža dasiahnuć u budučym hodzie 34,7%.
Jak paviedamlałasia raniej, namieśnik ministra ekanomiki Alaksandr Jarašenka, vystupajučy na sumiesnym pasiadžeńni kamisij Pałaty pradstaŭnikoŭ 14 listapada ŭ Minsku, zajaviŭ pra toje, što nasielnictva siońnia mała płacić za žyllova-kamunalnyja pasłuhi.
«Nasielnictva nieapraŭdana mała płacić za tyja žyllova-kamunalnyja pasłuhi, jakija daje dziaržava. Ciapier heta ličba (ŭzrovień pakryćcia nasielnictvam taryfaŭ ŽKH) składaje kala 24%», — skazaŭ Jarašenka. Pry hetym jon dadaŭ, što ŭ 2014 hodzie płanujecca pavialičyć hety ŭzrovień prykładna da 35%.
«Kali my havorym pra ŭzrovień pakryćcia na budučy hod, to z ulikam pavieličeńnia realnych dachodaŭ nasielnictva my płanujem pavialičyć pakryćcio nasielnictvam pasłuh da 35%», — skazaŭ namieśnik ministra ekanomiki.
Rost realnaj (z ulikam inflacyi) zarabotnaj płaty zapłanavany ŭ 2014 hodzie na ŭzroŭni 4,6%.
Nahadajem, što zaćvierdžanaja Prahrama sacyjalna-ekanamičnaha raźvićcia na 2011—2015 hady praduhledžvaje, što ŭzrovień pakryćcia nasielnictvam zatrat na pasłuhi žyllova-kamunalnaj haspadarki ŭ 2015 hodzie składzie nie mienš jak 60%.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary