У Беларусі ў 2014 годзе плануецца павялічыць кошт жыллёва-камунальных паслуг на 38%.
Гэта прадугледжана праектам афіцыйнага прагнозу сацыяльна-эканамічнага развіцця на будучы год.
Паводле ацэнак эканамічных улад, плацяжы за тыпавую (двухпакаёвую) кватэру ў 2014 годзе павялічацца на 124,3 тыс. рублёў, ці на 12,7 даляра, і складуць 450,9 тыс. рублёў.
Такім чынам, у намінальным выражэнні кошт жыллёва-камунальных паслуг плануецца ў будучым годзе павялічыць на 38%.
Мяркуецца, што ў выніку павышэння тарыфаў узровень пакрыцця насельніцтвам кошту жыллёва-камунальных паслуг можа дасягнуць у будучым годзе 34,7%.
Як паведамлялася раней, намеснік міністра эканомікі Аляксандр Ярашэнка, выступаючы на сумесным пасяджэнні камісій Палаты прадстаўнікоў 14 лістапада ў Мінску, заявіў пра тое, што насельніцтва сёння мала плаціць за жыллёва-камунальныя паслугі.
«Насельніцтва неапраўдана мала плаціць за тыя жыллёва-камунальныя паслугі, якія дае дзяржава. Цяпер гэта лічба (ўзровень пакрыцця насельніцтвам тарыфаў ЖКГ) складае каля 24%», — сказаў Ярашэнка. Пры гэтым ён дадаў, што ў 2014 годзе плануецца павялічыць гэты ўзровень прыкладна да 35%.
«Калі мы гаворым пра ўзровень пакрыцця на будучы год, то з улікам павелічэння рэальных даходаў насельніцтва мы плануем павялічыць пакрыццё насельніцтвам паслуг да 35%», — сказаў намеснік міністра эканомікі.
Рост рэальнай (з улікам інфляцыі) заработнай платы запланаваны ў 2014 годзе на ўзроўні 4,6%.
Нагадаем, што зацверджаная Праграма сацыяльна-эканамічнага развіцця на 2011—2015 гады прадугледжвае, што ўзровень пакрыцця насельніцтвам затрат на паслугі жыллёва-камунальнай гаспадаркі ў 2015 годзе складзе не менш як 60%.
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай93
Каментары