Pavodle infarmacyi na viečar 22 listapada, u vyniku abrušeńnia ŭ čaćvier handlovaha centra Maxima ŭ Ryzie zahinuli 50 čałaviek, siarod ich — troje ratavalnikaŭ i čaćviora rabotnikaŭ supiermarkieta, paviedamlaje Delfi.
Paciarpieli kala 40 čałaviek, siarod ich dzicia i dziesiać ratavalnikaŭ. Pad zavałami jašče moža być kala piaci čałaviek.
23, 24 i 25 listapada ŭ Łatvii abvieščany dniami žałoby, admienieny ŭsie zabaŭlalnyja mierapryjemstvy, kancerty.
U tym liku admieniena zapłanavanaje na subotu śviatkavańnie 25-hodździa biełaruskaha tavarystva «Śvitanak».
Siemjam zahinułych budzie vydzielena dapamoha ŭ pamiery 10 tys. łataŭ (ekvivalent 180 młn biełaruskich rubloŭ), dziaržava dapamoža z pachavańniem.
Raniej paviedamlałasia, što siarod zahinułych niamała baćkoŭ školnikaŭ. Pryjomnyja siemji voźmuć na vychavańnie dzietak. Viadoma pra dzieviać dzietak, jakija stracili baćkoŭ.
Susiedniaja Litva abviaściła niadzielu dniom žałoby ŭ znak padtrymki łatvijskaha naroda.
U Minsku ŭ paniadziełak i aŭtorak u Pasolstvie Łatvii budzie adkryta žałobnaja kniha dla vykazvańnia spačuvańniaŭ.
«Naša Niva» taksama vykazvaje spačuvańni narodu Łatvii. Svaje spačuvańni moža pakidać u kamientarach da hetaha artykuła.
Ciapier čytajuć
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary