Ministr unutranych spraŭ vybačyŭsia pierad ukraincami za razhon Majdana, načalnik kijeŭskaj milicyi padaŭ u adstaŭku
Načalnik Kijeŭskaj milicyi Valeryj Karak paprasiŭ adstaŭku ŭ suviazi z padziejami na Majdanie Niezaležnaści u Kijevie ŭ noč na 30 listapada.
Pra heta było abvieščana na kalehii ŭ Ministerstvie ŭnutranych spraŭ. Adstaŭka pakul zadavolenaja nie była, jaho adchilili na čas praviadzieńnia słužbovaha rasśledavańnia.
Pa zakančeńni kalehii ministr Vital Zacharčanka paviedamiŭ, što v.a. načalnika kijeŭskaj milicyi pryznačany Valeryj Mazan, jaki ŭznačalvaje abłasnuju milicyju.
Taksama Vital Zacharčanka vybačyŭsia pierad hramadzianami za dziejańni «Bierkuta» pry razhonie Jeŭramajdana ŭ noč na 30 listapada.
Ab hetym jon zajaviŭ siońnia na kalehii MUS pa padziejach na Majdanie Niezaležnaści.
«Ja chacieŭ by ad siabie asabista i členaŭ kalehii prynieści prabačeńni za praźmiernaje prymianieńnie siły supracoŭnikami milicyi ŭ dačynieńni da ŭdzielnikaŭ akcyi. Ja chacieŭ by zapeŭnić, što dziejańni milicyi vychodzili za miežy zabieśpiačeńnia hramadskaha paradku», - skazaŭ Zacharčanka.
Akramia taho Zacharčanka zaklikaŭ udzielnikaŭ masavych akcyj za jeŭraintehracyju Ukrainy nie paddavacca na pravakacyi i nie parušać pravaparadak.
«Źviartajusia da hramadzian — nie paddavajciesia na pravakacyi, budźcie pilnymi i talerantnymi. Zaklikaju ŭsich dziejničać u pravavym poli», — skazaŭ Zacharčanka.
Razam z tym jon abiacaje, što milicyja budzie žorstka reahavać na zakliki da ździajśnieńnia masavych biesparadkaŭ.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii

«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes

«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie

Kamientary