Na Biełaruś nasoŭvajecca novy «Chavier»: u piatnicu zavirucha i mocny viecier da 24 m/s

Da Biełarusi nabližajecca mahutny paŭnočnaatłantyčny cykłon «Chavier»,

paviedamiŭ načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ.

«Chavier» prajavić siabie ŭžo ŭ piatnicu, 6 śniežnia», - adznačyŭ sinoptyk.

Najbolšy ŭpłyŭ cykłon, jaki ruchajecca praz akvatoryju Bałtyjskaha mora, zrobić na paŭnočna-ŭschodnija rehijony Biełarusi. Čakajucca śnieh, miacielica, miescami na darohach hałalodzica. Prahnazujucca paryvy vietru da 15—24 mietraŭ u siekundu. Tempieratura pavietra na praciahu sutak składzie ad minus 3 da plus 2 hradusaŭ.

U subotu, 7 śniežnia, składanyja ŭmovy nadvorja zachavajucca. Tempieratura pavietra panizicca, na praciahu sutak budzie ad nula da minus 6 hradusaŭ. Viecier u asobnych rajonach pačnie ścichać.

«Da niadzieli «Chavier» pakinie terytoryju Biełarusi i sydzie na Maskoŭskuju vobłaść», — adznačyŭ Dźmitryj Rabaŭ. U hety dzień na bolšaj častcy Biełarusi projdzie karotkačasovy śnieh, pa paŭdniovym zachadzie miescami zakrucić miacielica. Na darohach zachavajecca hałalodzica. Nočču pa paŭdniovym zachadzie sinoptyki prahnazujuć uzmacnieńnie vietru z paryvami da 15-20 mietraŭ u siekundu. Tempieratura pavietra praciahnie źnižacca: u načnyja hadziny čakajecca minus 3-8 hradusaŭ, dniom - ad nula da minus 6 hradusaŭ.

U pačatku nastupnaha tydnia čakajecca maroznaje nadvorje.

U paniadziełak 9 śniežnia tempieratura pavietra nočču składzie minus 6-12 hradusaŭ, pry prajaśnieńniach — da minus 14 hradusaŭ. U dzionnyja hadziny čakajecca minus 2—8 hradusaŭ, trochi ciaplej budzie pa paŭdniovym zachadzie krainy, dzie nočču čakajecca ad 0 da minus 5 hradusaŭ. Dniom prahnazujecca ad minus 1 da plus 2 hradusaŭ. Nočču ŭ zachodnich rajonach, dniom na bolšaj častcy terytoryi krainy sinoptyki abiacajuć śnieh, u dzionnyja hadziny ŭ paŭdniova-zachodnich rajonach — mokry śnieh. Na asobnych učastkach daroh budzie hałalodzica.

U aŭtorak 10 śniežnia, praz terytoryju Biełarusi buduć prachodzić małaaktyŭnyja atmaśfiernyja franty z Bałtyjskaha mora. Jany pryniasuć miescami karotkačasovy śnieh. Unačy tempieratura pavietra składzie minus 6-12 hradusaŭ, pa poŭnačy krainy pry prajaśnieńniach — da minus 15 hradusaŭ. Dniom čakajecca minus 2-10 hradusaŭ.

U sieradu nočču na bolšaj častcy terytoryi krainy, a dniom miescami budzie iści śnieh. Na asobnych učastkach daroh zachavajecca hałalodzica. Unačy prahnazujecca 2-8 hradusaŭ marozu, va ŭschodnich rajonach pry prajaśnieńniach — da minus 10—12 hradusaŭ. Dniom — ad minus 4 da plus 2 hradusaŭ, paviedamlaje BiełTA.

Nahadajem, u siaredzinie sakavika 2013 cykłon «Chavier» abrynuŭ na Biełaruś śniežny štorm: spyniŭsia transpart, dziasiatki nasielenych punktaŭ zastalisia bieź śviatła.

• 0
• 0
• 0
• 0
• 0
• 0
• 0
• 0